Печерская икона божией матери


Икона Божией Матери Свенская (Печерская): в чем помогает

Одна из самых древних икон, дошедших до нашего времени из глубины веков – икона Божией Матери Свенская (Печерская). Как гласит предание, она принадлежит кисти преподобного Алипия Печерского, который считается первым в истории русским иконописцем (почил ок. 1114 года). Алипий обучался этому искусству у византийских иконописцев, приглашенных для украшения Великой церкви в Киево-Печерской лавре.

Дни празднования:

Описание иконы

Образ, который являет Печерская икона Божией Матери с предстоящими Антонием и Феодосием, широко распространен, — Божья Матерь с Младенцем Иисусом на коленях, поднявшим руки в благословляющем жесте. По сторонам от Нее стоят святые основоположники монашества на Руси Антоний и Феодосий Печерские. Эта икона изображает их в виде старцев со свитками в руках.

Небольших размеров Свенская Печерская икона Божией Матери (67х42 см) дошла до нас в не слишком хорошем состоянии, на первоначальном красочном слое было много потертостей, на которых позднее делали записи, но нельзя не ощутить, какая благодатная сила от нее исходит. Многочисленные списки иконы можно увидеть сегодня во многих храмах.

История иконы

Первоначально икона находилась в Киево-Печерском монастыре, откуда и пошла ее слава чудотворной. А потом произошла поразительная история, зафиксированная в летописи. Князь Роман Михайлович, сын князя Михаила Черниговского, которого зверски замучили ордынцы за отказ отступиться от своей веры и причисленного за это к лику святых православной церкви, находясь в Брянске, вдруг утратил зрение.

Он много слышал о чудодейственных исцелениях, произошедших в Печерском монастыре, и понадеялся на силу чудотворной иконы. Туда был послан гонец с просьбой привезти ее в Брянск, чтобы князь смог испросить у нее исцеления. Архимандрит дал согласие, и икону повезли в Брянск на лодке.

Однако там, где в Десну впадает речка Свена, лодка неожиданно остановилась. Монахи, которые сопровождали икону, решили устроить здесь ночлег. Когда же наутро они собрались в дальнейший путь, то увидели, что икона пропала. Ее стали искать и, наконец, нашли на ветвях большого дуба в устье реки Свены.

Когда князю Роману сообщили о таком чуде, он, несмотря на слепоту, вместе с сопровождавшим его духовенством пешком отправился к этому месту. Дойдя до иконы, князь вознес страстную молитву, и тут же зрение его прояснилось настолько, что он смог увидеть тропинку и сразу же велел воздвигнуть на ней памятный крест.

Но полностью зрение князя не восстановилось, и он продолжал молиться, дойдя до того самого дуба. Пав на колени, он вознес свое моление Божьей Матери с просьбой вернуть ему зрение, и оно действительно стало лучше. Но полностью зрение вернулось к нему, лишь когда епископ, сняв икону с дуба, поднес ее князю и дал облобызать.

Тут же пред иконою был отслужен благодарственный молебен, а князь вместе со всеми свидетелями этого чудесного исцеления, начали рубить деревья и возводить храм Успения Богородицы.

Вскоре князь Роман основал монастырь на том самом месте, где произошло чудесное исцеление, а для иконы сделал оклад из золота и серебра. Из чудесного дуба, на котором была обретена икона, настрогали досок и обустроили ими обитель. Именно тогда, в 1288 году, 3 (ныне 16) мая установили празднование иконе, именуемой с тех пор икона Божьей Матери Свенская (Печерская). Почти 7 веков ее почетное место было в иконостасе справа от царских врат Успенского собора при монастыре.

Впоследствии все русские цари, бояре, вельможи и купцы в знак почитания иконы делали сюда щедрые вклады, рос и поток богомольцев, наслышанных о ее чудотворной силе.

Одно из самых значимых чудес было явлено в 1812 году, когда Брянск оказался под угрозой нашествия наполеоновских войск. Жители города совершили крестный ход, неся на руках икону Божией Матери Свенской (Печерской) и вознося молитвы Заступнице, чтобы она избавила город от французского нашествия. И их моления были услышаны – враг обошел город стороной. В память об этом чуде в Брянске стал каждый год 17 августа проводиться крестный ход.

Но все закончилось после революции. Обитель закрыли в 1924 году, все постройки, в том числе Успенский собор 18 века, разрушили, и неизвестно, что случилось бы с древней чудотворной иконой, если бы ее не спас знаменитый искусствовед Н.Н. Померанцев. Привезя ее в Москву, он передал икону на реставрацию, и после сложнейшей кропотливой работы она была помещена в Третьяковскую галерею, где находится по сей день.

В чем помогает Печерская икона Божией Матери

Перед этой иконой молятся о том, чтобы больным было даровано исцеление, чтобы утратившим зрение оно было возвращено, а также о том, чтобы освободиться от бесов и восстановить душевное здоровье и равновесие – таково значение этой иконы.

Молитва перед этой иконой укрепляет веру, дарует душевную стойкость перед лицом жизненных испытаний

Молитву перед ней возносят даже те, кто не верует в Бога, и просят помиловать их души и ходатайствовать за них пред Господом. Те же, кому была дарована такая милость, возносят молитвы в благодарение за спасение душ своих близких и родных, за ниспосланное исцеление.

Существуют молитвы, которые читают перед чудотворной Свенской (Печерской) иконой Божией Матери. Ниже молитва, тропарь и кондак.

Молитва перед иконой

О, Пресвята́я и Пренепоро́чная Де́во Богоро́дице, на́ша Пече́рская похвало́ и украше́ние, держа́вный покро́ве свята́го ме́ста сего́, и́стинная Влады́чице избра́ннаго уде́ла Своего́. Приими́ нас, недосто́йных рабо́в Твои́х, убо́гое моле́ние, с ве́рою и любо́вию принося́щих пред чу́дным о́бразом Твои́м, да посети́ши ми́лостивно грехо́вное житие́ на́ше, просвеща́ющи его́ све́том покая́ния, осени́ нас, обремене́нных скорбьми́ мно́гими, Твое́ю Небе́сною ра́достию, сподо́би нас при́сно сла́вити Тя в ми́ре и благоче́стии на ме́сте святе́м сем, да, без поро́ка преше́дше путь жития́ на́шего, по́мощию Твое́ю дости́гнем ве́чнаго весе́лия во све́тлости святы́х и Богоно́сных оте́ц на́ших Анто́ния и Феодо́сия и всех преподо́бных Пече́рских и еди́ными усты́ и се́рдцы воспои́м Тя с Предве́чным Сы́ном Твои́м и Безнача́льным Его́ Отце́м и Пресвяты́м, Животворя́щим, Всеблаги́м и Единосу́щным Его́ Ду́хом во ве́ки веко́в. Ами́нь

Тропарь и кондак Пресвятой Богородице пред иконой Ея «Печерской»

Тропарь, глас 4

Днесь све́тло торжеству́ет Пече́рская оби́тель/ и ра́дуется явле́нием о́браза Богома́тере/ безме́рный лик Пече́рских отце́в,/ с ни́миже и мы непреста́нно вопие́м:// ра́дуйся, Благода́тная, Пече́рская похвало́.

Перевод: Сегодня светло торжествует Печерская обитель и радуется явлению образа Богоматери бесчисленное собрание Печерских отцов, с ними же и мы не переставая взываем: «Радуйся, Благодатная, честь для Печор».

Кондак, глас 3

Де́ва днесь неви́димо предстои́т в це́ркви/ и с ли́ки Пече́рских отце́в мо́лится о нас,/ благогове́йно велича́ющих Ея́ безме́рную ми́лость к ро́ду на́шему,/ я́вльшуюся в чу́дном о́бразе Ея́,// оби́тель Пече́рскую украша́ющем.

Перевод: Дева сегодня невидимо предстоит в церкви и с собранием Печерских отцов молится о нас, благоговейно прославляющих Ее безмерную милость к народу нашему, явившуюся в чудесном образе Ее, украшающем Печерскую обитель.

(3 оценок, среднее: 4,67 из 5) Загрузка...

omolitvah.ru

Икона Божией Матери Свенская (Печерская)

Текст утвержден Священным Синодом Русской Православной Церкви

15 июля 2016 года (журнал № 70)

Ме́сяца ма́я в 3-й деньПра́знование Пресвяте́й Влады́чице на́шей Богоро́дице и Присноде́ве Мари́и ра́ди ико́ны Ея́, имену́емыя «Све́нская-Пече́рская»

НА ВЕЛИ́ЦЕЙ ВЕЧЕ́РНИ

На Го́споди, воззва́х: поста́вим cтихо́в 8и пое́м стихи́ры Трио́ди 3 и Богоро́дицы 5.

Стихи́ры Богоро́дицы, глас 8.

Подо́бен: О пресла́внаго чудесе́:

Дне́сь све́тло блиста́ет/ Воскресе́ние Спа́са Христа́,/ и Пресвята́я Богоро́дица правосла́вных собира́ет/ к Све́нстей ико́не Свое́й,/ я́ко Ма́ти о ча́дех веселя́щися,/ просвеще́ние душа́м и телесе́м да́рует,/ освяща́ющи и спаса́ющи притека́ющия к Ней,/ избра́ бо Ю́ Госпо́дь стро́ити и покрыва́ти// Христоимени́тое ста́до, рабы́ Своя́.

Ка́ко не диви́мся/ Твоему́ о нac прοмышле́нию, Богома́ти,/ я́ко от Пече́рскаго уде́ла Твоего́/ в зе́млю Бря́нскую ико́ною Твое́ю изшла́ еси́,/ я́коже Сын Твой рече́ ученико́м Свои́м:/и во ины́х страна́х до́лжен есмь пропове́дати./ Те́мже глас целова́ния Твоего́ та́инственно слы́шаще,/ игра́им ра́достно,// Ду́хом просвеща́еми.

Дарова́ла еси́ гра́ду Бря́нску/ Све́нский-Пече́рский о́браз Твой, Влады́чице,/ я́ко сте́ну необори́му/ и исто́чник чуде́с,/ и́мже сове́ты злосла́вных разоря́ются/ и полки́ супоста́т дале́че отгоня́ются,/ вся же земля́ Ру́сская ико́ну сию́ почита́ет,/ ми́лости Твоя́, от нея́ явля́емыя,// прославля́ющи, Присноде́во.

О, пресла́внаго чудесе́!/ О́чи благочести́ваго кня́зя Рома́на помрачи́стеся,/ да вся земля́ Бря́нская просвети́тся/ благода́тию ико́ны Цари́цы Небе́сныя,/ очи́стим у́бо чу́вствия/ и у́зрим свет ве́ры правосла́вныя,/ зна́мениями от ико́ны сея́ явля́емый,/ да тьмы́ ве́чныя избе́гнем,// Богоро́дицею спаса́еми.

Ра́достная пе́ния и благода́рная/ Тебе́, Ма́ти Де́во,/ Све́нская оби́тель по достоя́нию прино́сит,/ я́ко ме́сто сие́ избрала́ ecи́/ и о́бразом Твои́м чудотво́рным/ обита́ти зде изво́лила еси́,/ не отврати́ у́бо Лица́ Твоего́ от нас, Пречи́стая,/ ве́рою и любо́вию Тя воспева́ющих,// я́ко Благоутро́бну.

Сла́ва, глас 6:

Днесь во гла́се хвале́бнаго пе́ния/ духо́вное торжество́ соста́вим,/ досто́йно почита́юще Све́нскую ико́ну Цари́цы Богоро́дицы,/ то́ю бо о́чи благове́рнаго кня́зя Рома́на просвети́ла есть,/ до ны́не же бе́сы изгоня́ет, неду́ги исцеля́ет,/ напа́стей избавля́ет и мона́хов в по́двизех укрепля́ет,/ враго́в устраша́ет и правосла́вие утвержда́ет,/ те́пле моля́щися ко Го́споду// о спасе́нии душ на́ших.

И ны́не, Трио́ди.

Вход. Проки́мен дне. Чте́ния три Богоро́дицы.

На лити́и стихи́ра Трио́ди лити́йная мимоше́дшей неде́лии Богоро́дицы стихи́ра, глас 1:

Прииди́те, ве́рнии,/ пра́здник Све́нския ико́ны/ Пресвяты́я Богоро́дицы соста́вим,/ е́йже со стра́хом слу́жат си́лы Небе́сныя,/ припа́дают архиере́и и свяще́нницы,/ мона́си и вси правосла́внии, умиле́нно взыва́юще:/ о, Ма́ти Бо́жия, спаси́ зе́млю Ру́сскую,/ исцели́ сокруше́ние ея́// и ве́рныя лю́ди уте́ши Твоя́.

Сла́ва, и ны́не, глас 5:

Воспо́йте, лю́дие,/ Ма́тери Бо́га на́шего воспо́йте,/ се бо, на Небеси́ ца́рствующи,/ су́щих на земли́ посеща́ет/ и благода́ть Свою́ ико́нам Свои́м да́рует,/ те́мже о́браз Ея́ любе́зно лобыза́юще,/ приле́жно мо́лим/ дарова́ти Правосла́вней Це́ркви утвержде́ние// и душа́м на́шим ве́лию ми́лость.

На стихо́вне стихи́ры, глас 2.

Подо́бен: До́ме Евфра́фов:

Земле́ Бря́нская,/ красу́йся и лику́й,/ се бо Све́нский о́браз/ Пречи́стыя Богома́тере// преде́лы твоя́ осеня́ет.

Стих: Помяну́ и́мя Твое́/ во вся́ком ро́де и ро́де.

Благода́тию ико́ны Твоея́,/ Цари́це Небе́сная,/ Правосла́вие утвержда́еши,/ исцеле́ния источа́еши// и напа́стей избавля́еши.

Стих: Лицу́ Твоему́/ помо́лятся бога́тии лю́дстии.

Лицу́ Твоему́, Де́во,/ архиере́и и свяще́нницы,/ мона́си и вси правосла́внии/ благогове́йно покланя́ются// и со А́нгелы слу́жат.

Сла́ва, глас и подо́бен то́йже:

Взбра́нная Воево́до/ правосла́вно чту́щих Тя,/ Влады́чице Богоро́дице,/ Све́нскою ико́ною Твое́ю// от ви́димых и неви́димых враг нас огради́.

И ны́не, Трио́ди.

На благослове́нии хле́бов тропа́рь, глас 5:

Пресвята́я Де́во Богоро́дице,/ земли́ Бря́нстей благослове́ние и покро́в/ Све́нский-Пече́рский о́браз Твой дарова́ла еси́,/ и́мже Правосла́вие утвержда́еши,/ е́реси и раско́лы побежда́еши,/ исцеле́ния источа́еши,/ наше́ствия иноплеме́нных отража́еши/ и междоусо́бныя бра́ни умиря́еши,/ те́мже благода́рно воспева́ем Тя,// Оте́чества на́шего похвалу́ и заступле́ние.

НА У́ТРЕНИ

На Бог Госпо́дь: тропа́рь Трио́ди два́жды. Сла́ва, и ны́не, Богоро́дицы.

По 1-м стихосло́вии седа́лен Трио́ди.

Сла́ва, и ны́не, Богоро́дицы, глас 4:

Явле́нием ми́лостей Твои́х, Ма́ти Бо́жия,/ да веселя́тся правосла́вных собо́ри,/ чту́щия чудотво́рный Све́нский о́браз Твой,// ерети́ческое же со́нмище да посрами́тся/ и, я́ко прах, да возмете́тся от лица́ Бря́нския земли́.

По 2-м стихосло́вии седа́лен Трио́ди.

Сла́ва, и ны́не, Богоро́дицы, глас 4:

Наста́вница еси́ мона́хов, Присноде́во,/ те́мже при́зри на оби́тель Све́нскую,/ ю́же благове́рный князь Рома́н на ме́сте, Тобо́ю избра́ннем, созда́,/ я́ко киво́т чудотво́рныя ико́ны Твоея́,// и при́сно сию́ соблюда́й, подвиза́ющихся же в ней спаса́й.

Велича́ние:

Досто́йно есть/ велича́ти Тя,/ Богоро́дице,/ земли́ Ру́сския Цари́цу Небе́сную,// Све́нский о́браз Твой в ней просла́вльшую.

Псало́м избра́нный:

1 лик: Освяти́л есть селе́ние Свое́ Вы́шний.

2 лик: Вся сла́ва Дще́ре Царе́вы внутрь.

1 лик: Посли́ свет Твой и и́стину Твою́, та мя наста́виста и введо́ста мя в го́ру святу́ю Твою́.

2 лик: Предста́ Цари́ца одесну́ю Тебе́.

1 лик: В ри́зах позлаще́нных оде́яна, и преиспещре́на.

2 лик: Пресла́вная глаго́лашася о Тебе́, гра́де Бо́жий.

1 лик: Слы́ши, Дщи, и виждь, и приклони́ у́хо Твое́.

2 лик: И возжела́ет Царь добро́ты Твоея́, зане́ Той есть Госпо́дь Твой.

1 лик: Лицу́ Твоему́ помо́лятся бога́тии лю́дстии.

2 лик: Не удали́ по́мощь Твою́ от мене́, на заступле́ние мое́ вонми́.

1 лик: Во́ньже а́ще день призову́ Тя, ско́ро услы́ши мя.

2 лик: Спаси́ мя ми́лостию Твое́ю.

1 лик: Возвеселя́тся вси упова́ющии на Тя, и похва́лятся о Тебе́ лю́бящии и́мя Твое́.

2 лик: Помяну́ и́мя Твое́ во вся́ком ро́де и ро́де.

По полиеле́и седа́лен, глас 4:

Благослове́нная Влады́чице,/ cвяты́й о́браз Твой зря́ще,/ приле́жно мо́лим Тя:/ на ка́мени пра́выя ве́ры рабы́ Твоя́ утверди́.

Сла́ва, и ны́не, глас то́йже:

Лику́й и красу́йся, Бря́нская земле́,/ иму́щи в себе́ неоску́дный исто́чник благода́ти,/ Све́нскую ико́ну Пречи́стыя Де́вы,/ Ея́же ра́ди ви́димыя и неви́димыя враги́ прогоня́ются,/ еретицы́ посрамля́ются,/ ве́рнии же любо́вию неизче́тныя Ея́ ми́лости велича́ют.

По 50-м псалме́ стихи́ра, глас 6:

По грехо́м на́шим/ умно́жишася в нас безу́мнии,/ и́же глаго́лют в сердца́х свои́х, я́ко Бо́га несть/ и пропове́дуют уче́ния па́губная и развраще́нная,/ малоду́шныя от Святы́я Це́ркве отторга́юще,/ но, о, Пречи́стая Богоро́дице,/ я́коже дре́вле о́чи благове́рнаго кня́зя Рома́на просвети́ла еси́/ и иноплеме́нных от гра́да Бря́нска отгна́ла еси́,/ си́це заблу́ждшия просвети́ и злосла́вныя устраши́,// и спаси́ ду́ши на́ша.

Кано́н Трио́ди и Богоро́дицы кано́н. Глас 1.

Песнь 1

Ирмо́с: Воскресе́ния день,/ просвети́мся, лю́дие,/ Па́сха, Госпо́дня Па́сха:/ от сме́рти бо к Жи́зни/ и от земли́ к Небеси́/ Христо́с Бог на́с преведе́,// побе́дную пою́щия.

Воскресе́ния день Христа́ Бо́га на́шего/ и благода́ть Пречи́стыя Его́ Ма́тере/ прииди́те, правосла́вных собо́ри, согла́сно воспои́м,/ благода́рственная пою́ще.

Очи́стим чу́вствия и у́зрим очи́ма ве́ры/ Пресвяту́ю Богоро́дицу,/ гряду́щую от Пече́рскаго уде́ла Своего́/ посети́ти Бря́нскую зе́млю/ и Све́нскую ико́ну Свою́ в ней просла́вити.

Небеса́ у́бо досто́йно да веселя́тся,/ земля́ же Ру́сская да ра́дуется,/ да пра́зднует же град Брянск/ и Све́нская оби́тель да торжеству́ет,/ почита́юще ико́ну Богома́тере.

О́чи благове́рнаго кня́зя Рома́на просвети́ла еси́,/ те́пле моля́щагося Тебе́, Де́во Всенепоро́чная,/ благода́тию Сы́на Твоего́,/ из гро́ба днесь возсия́вшаго.

Катава́сия Трио́ди.

Песнь 3

Ирмо́с: Прииди́те, пи́во пие́м но́вое,/ не от ка́мене непло́дна чудоде́емое,/ но нетле́ния исто́чник,/ из гро́ба одожди́вша Христа́,// в Нем же утвержда́емся.

Прииди́те, песнь воспои́м но́вую/ Пречи́стей Де́ве Богоро́дице,/ честны́й о́браз Ея́ обстоя́ще любо́вию,/ на горе́ Све́нстей Го́ру одушевле́нную правосла́вно велича́юще.

Прииди́те, благода́ть исцеле́ний душ и теле́с почерпе́м/ от исто́чника неистощи́маго,/ Све́нския ико́ны Богома́тере,/ Е́юже во и́стинней ве́ре утвержда́емся и душетле́нная уче́ния низлага́ем.

Ны́не вси исполня́ются ра́дости,/ архиере́и и свяще́нницы, мона́си и мирсти́и,/ пра́зднующе све́тло торжество́ ми́лостей Твои́х, Богоневе́сто,/ Све́нским о́бразом нам явле́нных.

Вчера́ зре́ния лиши́ся благове́рный князь Рома́н,/ да явя́тся на нем дела́ Цари́цы Богоотрокови́цы,/ ны́не же я́сно зрит ико́ну Ея́,/ зе́млю Бря́нскую чудесы́ облиста́ющую.

Конда́к и и́кос Трио́ди.

Седа́лен Трио́ди.

Сла́ва, и ны́не, Богоро́дицы, глас 4:

Предвари́вшии у́тро свяще́нницы, провожда́вшии от оби́тели Ки́ево-Пече́рския/ в преде́лы Бря́нския ико́ну Твою́, Всепе́тая Влады́чице,/ не в ладии́, но на ду́бе близ Све́ны реки́ обрето́ша ю́,/ слы́шав же сия́, князь Рома́н со слеза́ми вопия́ше:/ О Пресвята́я Де́во! да́руй ми зре́ти чу́дный о́браз Твой/ и свет Сы́на Твоего́, спаса́ющаго род челове́ческий.

Песнь 4

Ирмо́с: На Боже́ственней стра́жи/ Богоглаго́ливый Авваку́м/ да ста́нет с на́ми и пока́жeт/ светоно́сна А́нгела,/ я́сно глаго́люща:/ днесь спасе́ние ми́ру,/ я́ко воскре́се Христо́с,// я́ко Всеси́лен.

На Боже́ственней стра́жи/ в моли́твеннем бде́нии пред Све́нскою ико́ною ста́нем,/ ку́пно с преподо́бными Анто́нием и Феодо́сием моля́ще Пречи́стую/ спасти́ зе́млю Ру́сскую.

Богооте́ц у́бо Дави́д/ пред се́нным ковче́гом скака́ше, игра́я,/ ча́да же Твоя́, Богома́ти,/ пред о́бразом Твои́м лику́юще,/ чудеса́ его́ прославля́ют,/ и́миже спаса́еши нас от бед и зол.

Теле́сныя о́чи смотре́нием Бо́жиим помраче́ны име́я,/ благочести́вый князь Рома́н серде́чныма очи́ма прови́де во́лю Твою́, Богоро́дице Де́во,/ о созда́нии оби́тели и́ноком на ме́сте, Тобо́ю избра́ннем.

Я́коже дре́вле супоста́т, оби́тель Твою́ окра́дших, ослепи́ла еси́, Влады́чице,/ и достоя́ние бра́тии возврати́ла еси́,/ та́ко ны́не злове́рныя помрачи́,/ заблу́ждшия же Ма́тери-Це́ркви возврати́.

Песнь 5

Ирмо́с: У́тренюем у́треннюю глубоку́,/ и вме́сто ми́ра песнь принесе́м Влады́це,/ и Христа́ у́зрим/ Пра́вды Со́лнце,// всем жизнь возсия́юща.

У́тренюем у́треннюю глубоку́,/ и с пе́нием доброде́тели принесе́м Влады́чице, глаго́люще:/ сподо́би рабы́ Твоя́ свет узре́ти присносия́ющий.

Безме́рное Твое́ благоутро́бие, Де́во,/ игу́мен Све́нския оби́тели с бра́тиею зря́ше,/ и́хже от напра́сныя сме́рти при разруше́нии хра́ма сохрани́ла еси.

Присту́пим, свещено́снии, любопра́зднственными чи́нми/ к Све́нскому о́бразу Богома́тере днесь,/ и́мже тьма страсте́й на́ших отгоня́ется.

Просвеща́еши Боже́ственными луча́ми благода́ти ико́ны Твоея́, Всепе́тая,/ духо́вною и теле́сною слепото́ю неду́гующих.

Песнь 6

Ирмо́с: Снизше́л ecú в преиспо́дняя земли́,/ и сокруши́л ecи́ вереи́ ве́чныя,/ содержа́щия свя́занныя, Христе́,/ и тридне́вен, я́ко от ки́та Ио́на,// воскре́сл ecи́ от гро́ба.

Пришла́ еси́ ми́лостивно, Ма́ти Бо́жия,/ честны́м Твои́м о́бразом к благове́рному кня́зю Рома́ну,/ я́коже Сын Твой посла́ о́браз Свой кня́зю А́вгарю,/ и просвети́ла еси́ о́чи его́.

Возво́диши держи́мых скорбьми́ и боле́зньми, Богоневе́сто,/ к терпе́нию, смире́нию и упова́нию спасе́ния,/ пред Све́нскою ико́ною Твое́ю те́пле по́мощь Твою́ призыва́ющих.

Спа́се наш Преблаги́й,/ Пречи́стыя Ма́тере Твоея́ мольба́ми/ Це́рковь Твою́ Святу́ю от ересе́й и раско́лов непоколеби́му сохрани́/ и заблу́ждшия на путь пра́вый обрати́. Сохраня́й во и́стинней ве́ре чту́щия Тя, Влады́чице,/ зна́мении и чудесы́ от Све́нския ико́ны Твоея́/ явля́ющи благода́ть Бо́жию, Правосла́вней Це́ркви прису́щую.

Конда́к, глас 3:

Я́ко цвет неувяда́емый/ Ла́вры Ки́ево-Пече́рския/ чу́дная ико́на Твоя́, Влады́чице Богоро́дице,/ на дре́ве близ Све́ны реки́ обре́теся,/ явля́ющи ме́сто но́ваго вертогра́да духо́внаго/ и благоуха́нием чуде́с исполня́ющи притека́ющих к ней,/ те́мже и на пре́дняя проба́ви ми́лости Твоя́, Пречи́стая,// правосла́вно Тя велича́ющим.

И́кос:

Земна́я на земли́ оста́вльше,/ и мы́сли от страсте́й очи́стивше,/ впери́м зре́ние вку́пе и чу́вства к Пречи́стей Богома́тери,/ Све́нскаго о́браза Ея́ ди́вное вознесе́ние на дре́во/ и чудеса́ его́ благода́рно прославля́юще,/ и умиле́нно возопии́м:/ не оста́ви рабы́ Твоя́, Влады́чице,/ и́ноков, подвиза́ющихся на ме́сте, Тобо́ю избра́ннем, укрепи́,/ град Брянск и всю ру́сскую зе́млю благода́тию Твое́ю покры́й,/ уте́ши нас, я́ко Ма́ти, наста́ви, я́ко сыно́в,/ правосла́вно Тя велича́ющих.

Песнь 7

Ирмо́с: О́троки от пе́щи изба́вивый,/ быв Челове́к, стра́ждет я́ко сме́ртен,/ и стра́стию сме́ртное/ в нетле́ния облачи́т благоле́пие,/ еди́н Благослове́н// отце́в Бог, и Препросла́влен.

О́троки от пе́щи изба́вивый, Влады́чице, Сын Твой и Бог,/ мно́гажды избавля́ше град Брянск и оби́тель Све́нскую от супоста́т,/ мольба́ми Твои́ми, еди́на Благослове́нная.

В воню́ ми́ра благода́ти Све́нския ико́ны Твоея́ притека́юще. Пречи́стая,/ Небе́сное Ми́ро ро́ждшая,/ благоуха́нием позна́ния Христо́ва исполня́емся/ и злосмра́дия злове́рия избавля́емся.

Сме́рти пра́зднуем умерщвле́ние воскресе́нием Христа́,/ злочести́вых же посрамле́ние и бе́гство милосе́рдием Присноде́вы,/ те́мже пред ико́ною Ея́ лику́юще,/ Засту́пницу на́шу воспева́ем.

Я́ко вои́стинну свяще́нный/ и спаси́тельный, и светоно́сный, Богома́ти, Све́нский о́браз Твой,/ ве́рою бо покланя́ющимся ему́, да́руеши исцеле́ние/ и от напа́стей избавле́ние.

Песнь 8

Ирмо́с: Сей нарече́нный и Святы́й День/ еди́н суббо́т царь и госпо́дь,/ пра́здников пра́здник,/ и торжество́ есть торже́ств:// во́ньже благослови́м Христа́ во ве́ки.

Сей нарече́нный и святы́й день/ всех правосла́вных земли́ Бря́нския созыва́ет к прославле́нию Бо́жия Ма́тере,/ ра́ди чудотво́рныя Све́нския Ея́ ико́ны.

При́зри, Пресвята́я Де́во, на лю́ди Твоя́,/ пред ико́ною Све́нскою моля́щияся Тебе́,/ и проше́ния испо́лни/ о Тебе́ благословя́щия Христа́ во ве́ки.

О́тче Вседержи́телю, и Сло́ве, и Ду́ше,/ моли́твами Богоро́дицы Це́рковь Правосла́вную утверди́,/ Оте́чество на́ше в ми́ре сохрани́/ и спаси́ благословя́щия Тя во ве́ки.

Прииди́те, и́ноков собо́ри,/ ра́достно благодаре́ние Присноде́ве принесе́м,/ Све́нским о́бразом Свои́м/ благослове́ние Пече́рския Ла́вры земли́ Бря́нстей дарова́вшей.

Песнь 9

Ирмос: Свети́ся, свети́ся,/ Но́вый Иерусали́ме,/ сла́ва бо Госпо́дня/ на тебе́ возсия́:/ лику́й ны́не/ и весели́ся, Сио́не,/ Ты же Чи́стая, красу́йся, Богоро́дице,// о воста́нии Рождества́ Твоего́.

Свети́ся, свети́ся, сла́вный гра́де Бря́нск сла́вою Све́нскаго о́браза Богома́тере,/ лику́й ны́не и весели́ся вся Ру́сская земле́,/ покро́вом Влады́чицы храни́мая.

О Боже́ственнаго, о любе́знаго, о сладча́йшаго Твоего́ Ли́ка, Богоневе́сто,/ и́мже пребыва́ти с на́ми изво́лила еси́,/ его́же ве́рнии утвержде́ние наде́жды спасе́ния иму́ще ра́дуемся.

О Ма́ти Бо́жия, в моли́тву Тебе́ приво́дим Анто́ния, Феодо́сия и всех Пече́рских и Бря́нских святы́х,/ и́хже предста́тельством сподо́би нас невече́рняго дне Ца́рствия Сы́на Твоего́.

Согла́сно, Де́во, Тебе́ блажи́м ве́рнии,/ зна́мения и чудеса́ Све́нския ико́ны Твоея́ благода́рно воспомина́юще/ и воста́ние рождества́ Твоего́ воспева́юще.

Свети́лен:

Я́коже дре́вле просвети́ла еси́ теле́сныя о́чи благове́рнаго кня́зя Рома́на/ благода́тию Све́нския ико́ны Твоея́, Всепе́тая Богоро́дице,/ та́ко и ны́не омраче́нныя злове́рием, Боже́ственною луче́ю Сы́на Твоего́ просвети́,// правосла́вныя же во све́те Лица́ Его́ ходи́ти утверди́.

Сла́ва, и ны́не, Трио́ди.

На хвали́тех стихи́ры Трио́ди 3 и Богоро́дицы 3.

Стихи́ры Богоро́дицы, глас 1.

Подо́бен: Небе́сных чино́в:

Небе́сныя си́лы ра́дуются/ и стра́хом слу́жат чу́дней Бо́жия Ма́тере ико́не,/ на дре́ве близ Све́ны реки́ ю́ поставля́юще,/ и к весе́лию град Брянск и всю зе́млю Ру́сскую созыва́ют./ Прииди́те, почерпе́м благода́ть, о́бразом сим явля́емую/ во спасе́ние душ на́ших.

Твоего́ предста́тельства увере́ние/ и милосе́рдия Твоего́ явле́ние/ Све́нская-Пече́рская ико́на Твоя́, Влады́чице, показа́ся нам,/ е́юже разли́чных обстоя́ний избавля́емся/ и благослове́ние на до́брая дела́ прие́млем,// я́ко на Тя упова́ние возложи́хом.

Мона́хов ру́сских первонача́льники,/ преподо́бных Анто́ния и Феодо́сия,/ преподо́бный Али́пий предстоя́щими Тебе́ изобрази́/ и ро́ждшемуся от Тебе́ Бо́жию Сло́ву,/ Де́во и Ма́ти Чи́стая,// мона́шескаго чи́на основа́ние непоколеби́мое.

Сла́ва, Трио́ди. И ны́не, глас 8.

Подо́бен: О пресла́внаго чудесе́:

О пресла́внаго чудесе́!/ Небесе́ и земли́ Цари́ца,/ от святы́х сро́дников на́ших умоля́емая,/ до ны́не зе́млю Ру́сскую покрыва́ет/ и Ли́ка Своего́ изображе́нии ми́лостивно обогаща́ет./ О Влады́чице Держа́вная!/ Не преста́ни и на бу́дущее вре́мя/ во утвержде́ние на Руси́ правосла́вия// ми́лости и чудеса́ излива́ти до ве́ка. Ами́нь. 

НА ЛИТУРГИ́И

Блаже́нна от кано́на Трио́ди, рядова́я песнь, на 4, и Богоро́дицы, песнь 6-я, на 4.

По вхо́де тропари́ Трио́ди и Богоро́дицы. Сла́ва, конда́к Трио́ди. И ны́не, конда́к Богоро́дицы.

Проки́мен, Апо́стол, Аллилу́ия, Ева́нгелие и прича́стен пре́жде ря́да Трио́ди, пото́м Богоро́дицы.

Моли́тва

О Всеми́лостивая Ма́ти, Пречи́стая Де́во Богоро́дице, Возбра́нная Воево́до правосла́вных! Благода́рным се́рдцем и усты́ славосло́вим Тя при́сно пред Све́нскою ико́ною Твое́ю, ю́же я́ко Боже́ственное украше́ние Це́ркве Ру́сския и зало́г ми́лости Твоея́ ве́рным лю́дем дарова́ла еси́. Сею́ бо ико́ною благода́ть Бо́жию, Правосла́вней Це́ркви прису́щую, явля́еши, егда́ то́чиши исцеле́ния, напа́стей избавля́еши, бесо́в прогоня́еши, наше́ствия иноплеме́нных отража́еши. Те́мже приле́жно мо́лим Ти ся, Богома́ти, проба́ви и на пре́дняя вели́кия ми́лости Твоя́ любо́вию чту́щим Тя, Правосла́вие утверди́, отпа́дшия от пра́выя ве́ры к позна́нию и́стины напра́ви и уста́ нечести́вых, ху́лящих Святу́ю Це́рковь, загради́. Отече́ству на́шему мир и на враги́ побе́ды да́руй, огради́ нас от нахожде́ния супоста́т, междоусо́бныя бра́ни и вся́каго зла, па́че же от душегуби́тельных страсте́й свободи́, во е́же умре́ти ми́ру и жи́ти Сы́ну и Бо́гу Твоему́ в соблюде́нии за́поведей Его́. И сподо́би нас, Предста́тельнице на́ша непосты́дная, на Стра́шнем Суде́ одесну́ю Престо́ла Бо́жия ста́ти и с ли́ки А́нгелов и святы́х та́мо восхваля́ти пречестно́е и́мя Сы́на Твоего́, со Безнача́льным Его́ Отце́м и Пресвяты́м Ду́хом во ве́ки. Ами́нь.

Служба Пресвятой Богородице в честь Ее иконы «Свенская-Печерская», 17-е августа

Ме́сяца а́вгуста в 17-й день

Пра́зднование Пресвяте́й Влады́чице на́шей Богоро́дице и Присноде́ве Мари́ира́ди ико́ны Ея́, имену́емыя «Све́нская-Пече́рская»

НА ВЕЛИ́ЦЕЙ ВЕЧЕ́РНИ

На Го́споди, воззва́х: стихи́ры на 8: пра́здника 3, Све́нския 5, глас 1.

Подо́бен: О ди́вное чу́до:

О, ди́вное чу́до!/ Блага́я Засту́пница/ усе́рдныя моли́твы ве́рных прие́мши,/ си́лою Свое́ю Боже́ственною/ и посо́бием Све́нскаго о́браза Своего́/ злове́рных супоста́т дале́че отгоня́ет,/ и град Брянск и окре́стныя ве́си весе́лия исполня́ющи,/ Е́йже возопии́м, ве́рнии,/ покро́вом Ея́ осеня́еми:/ Благода́тная, ра́дуйся,/ с Тобо́ю Госпо́дь,// подая́й чту́щим Тя ве́лию ми́лость.

Ни отку́ду наде́ющеся/ по́мощи улучи́ти,/ то́кмо Тебе́ моля́щеся, Пречи́стая,/ и А́нгелом гове́йную ико́ну Твою́/ по сто́гнам гра́да лю́дие обнося́ще,/ а́бие весть об избавле́нии/ от наше́ствия вра́жия получи́ша/ и благода́рно воспе́ша Ти:/ Благода́тная, ра́дуйся,/ с Тобо́ю Госпо́дь,// подая́й чту́щим Тя ве́лию ми́лость.

Твое́ сла́вят заступле́ние/ свяще́нных собо́ри,/ мона́си и мирсти́и,/ и во́ини христолюби́вии,/ ра́дуется земля́ Бря́нская,/ Све́нскою ико́ною Твое́ю крася́щися,/ к не́йже припа́дают ве́рнии,/ со Арха́нгелы и А́нгелы воспева́юще:/ Благода́тная, ра́дуйся,/ с Тобо́ю Госпо́дь,// подая́й чту́щим Тя ве́лию ми́лость.

Кре́пкое Предгра́дие/ и Сте́ну необори́му,/ обре́тше Тя, Влады́чице,/ при́сно на по́мощь призыва́ем:/ избавля́й нас от ви́димых и неви́димых враг,/ па́че же от страсте́й безче́стия,/ собери́ расточе́нныя воеди́но,/ правосла́вие соблюди́ непоколеби́мо./ Благода́тная, ра́дуйся,/ с Тобо́ю Госпо́дь,// подая́й чту́щим Тя ве́лию ми́лость.

Вертогра́д духо́вный,/ оби́тель Све́нскую,/ ме́сто, Тобо́ю избра́нное,/ иде́же мона́хов ли́цы/ обстоя́т всечестну́ю ико́ну Твою́,/ грехо́в разреше́ния прося́ще/ и жития́ исправле́ния,/ и прича́стия Боже́ственныя сла́вы Твоея́,/ не оста́ви, Всепе́тая,/ но благоутро́бно уще́дри,// да́рующи чту́щим Тя ве́лию ми́лость.

Сла́ва, и ны́не, пра́здника, глас 2. Я́же Небе́с вы́шшая су́щи:

Вход. Проки́мен дне. Чте́ния три Богоро́дицы.

Бытия́ чте́ние (глава́ 28):

Изы́де Иа́ков от студенца́ кля́твеннаго, и и́де в Харра́нь./ И обре́те ме́сто, и спа та́мо. За́йде бо со́лнце,/ и взят от ка́мения ме́ста того́, и положи́ возгла́вие себе́, и спа на ме́сте о́ном,/ и сон ви́де:/ И се ле́ствица утвержде́на на земли́, ея́же глава́ досяза́ше до небе́с,/ и А́нгели Бо́жии восхожда́ху и низхожда́ху по ней./ Госпо́дь же утвержда́шеся на ней, и рече́:/ аз Бог Авраа́мов, отца́ твоего́, и Бог Исаа́ков, не бо́йся:/ земля́, иде́же ты спи́ши на ней, тебе́ дам ю́, и се́мени твоему́./ И бу́дет се́мя твое́, я́ко песо́к земны́й, и распространи́тся на мо́ре, и ли́ву, и се́вер, и на восто́ки:/ и возблагословя́тся о тебе́ вся коле́на земна́я и о се́мени твое́м./ И се аз с тобо́ю, сохраня́яй тя на вся́ком пути́, а́може а́ще по́йдеши./ И возвращу́ тя в зе́млю сию́, я́ко не и́мам тебе́ оста́вити, до́ндеже сотвори́ти Ми вся, ели́ка глаго́лах тебе́./ И воста́ Иа́ков от сна своего́, и рече́:/ я́ко есть Госпо́дь на ме́сте сем, аз же не ве́дех./ И убоя́ся, и рече́: я́ко стра́шно ме́сто сие́;/ несть сие́, но дом Бо́жий, и сия́ врата́ Небе́сная.

Проро́чества Иезеки́илева чте́ние (главы́ 43 и 44):

Та́ко глаго́лет Госпо́дь:/ бу́дет от дне осма́го и про́чее, сотворя́т иере́и на олтари́ всесожже́ния ва́шего,/ и я́же спасе́ния ва́шего,/ и прииму́ вы, глаго́лет Адонаи́ Госпо́дь./ И обрати́ мя на путь врат святы́х вне́шних,/ зря́щих на восто́ки, и сия́ бя́ху затворе́на./ И рече́ Госпо́дь ко мне:/ врата́ сия́ затворе́на бу́дут и не отве́рзутся,/ и никто́же про́йдет сквозе́ их;/ я́ко Госпо́дь Бог Изра́илев про́йдет и́ми, и бу́дут затворе́на./ Я́ко игу́мен ся́дет в них сне́сти хлеб,/ по пути́ Ела́мских врат вни́дет, и по пути́ его́ изы́дет./ И введе́ мя по пути́ врат святы́х, су́щих к се́веру, пря́мо хра́му,/ и ви́дех, и се испо́лнь сла́вы храм Госпо́день.

Царств тре́тиих чте́ние (глава́ 8):

Бысть, я́ко соверши́ Соломо́н е́же созда́ти Дом Госпо́день./ И собра́ вся ста́рцы Изра́илевы в Сио́н,/ вознести́ киво́т заве́та Госпо́дня из гра́да Дави́дова: сей есть Сио́н./ И взя́ша свяще́нницы киво́т заве́та Госпо́дня,/ и ски́нию свиде́ния, и вся сосу́ды святы́я,/ я́же в Ски́нии свиде́ния./ И царь, и весь Изра́иль пред киво́том./ И внесо́ша свяще́нницы киво́т заве́та Госпо́дня на ме́сто его́,/ в дави́р хра́ма, во свята́я святы́х, под кри́ла Херуви́мов./ Я́ко Херуви́ми бя́ху распросте́рты крила́ми над ме́стом киво́та:/ и покрыва́ху Херуви́ми над киво́том/ и над свята́я его́ свы́шше./ И не бе в киво́те, кроме́ двух скрижа́лей заве́та,/ я́же положи́ та́мо Моисе́й в Хори́ве, я́же завеща́ Госпо́дь./ И бысть, я́ко изыдо́ша свяще́нницы от свята́го,/ и о́блак испо́лни дом./ И не возмого́ша свяще́нницы ста́ти служи́ти от лица́ о́блака:/ я́ко испо́лнися сла́вы Дом Го́спода Бо́га Вседержи́теля.

На лити́и стихи́ры, глас 3:

Воспо́йте Го́сподеви, до́ли и хо́лми,/ дубра́вы и ре́ки Бря́нския земли́,/ се бо Цари́ца Богоотрокови́ца/ Све́нским-Пече́рским о́бразом Свои́м,/ я́ко щито́м несокруши́мым/ наше́ствие злочести́вых отража́ет,/ и в бе́гство неудержи́мое тех обраща́ет,// спаса́ющи от лю́тых град и ча́да Своя́.

Держа́вное Твое́ заступле́ние/ от сопроти́вных нахожде́ния и ве́ры поруга́ния/ Све́нскою ико́ною нам дарова́нное/ досто́йно пра́зднующе, Влады́чице,/ приле́жно мо́лим Тя:/ моли́ о лю́дех Росси́йских,/ да николи́же ко́зньми вра́жиими от пра́выя ве́ры отвратя́тся// и в благоче́стии непоколеби́ми да пребу́дут.

Сла́ва, и ны́не, глас 8.

Подо́бен: О пресла́внаго чудесе́:

О пресла́внаго чудесе́!/ О Бо́жия к нам гре́шным долготерпе́ния!/ Гро́зное Боже́ственное преще́ние врази́ разуме́вше,/ благода́тию Све́нскаго о́браза Твоего́, Цари́це Небе́сная,/ стра́хом одержи́мии,/ в бе́гство внеза́пное обрати́шася,/ си́лою свы́ше гони́ми,/ град же Твой и лю́ди весе́лия испо́лнишася,// благода́рно Тя велича́юще.

На стихо́вне стихи́ры, глас 4:

Весели́тся днесь све́тло/ сла́вный град Брянск и Све́нская оби́тель,/ я́ко святу́ю Твою́ ико́ну, Влады́чице,/ Боже́ственными чудесы́ просла́вила еси́/ и полки́ вра́жия вспять обрати́ла еси́,// я́ко Возбра́нная Воево́да Непобеди́мая.

Стих: Помяну́ и́мя Твое́/ во вся́ком ро́де и ро́де.

Во́инства правосла́внаго благопоспеше́ние,/ борце́в му́жество, хра́брых Спобо́рнице,/ безпомо́щных Защи́тнице,/ мо́лим Тя кре́пость ору́жию на́шему дарова́ти,/ да низло́жатся ви́димыя и неви́димыя враги́,/ возстаю́щия на ны,// Тобо́ю бо побе́ды воздви́жутся.

Cтиx: Лицу́ Твоему́ помо́лятся/ бога́тии лю́дстии.

Зна́мение побе́дное от ико́ны Богома́тере ви́девше,/ пра́здник че́стен соста́вим,/ и ра́достно воспои́м Пресла́вную на́шу Засту́пницу,/ зе́млю Ру́сскую в достоя́ние Себе́ избра́вшую,/ и на вся́ком ме́сте благода́ть Свою́ явля́ющую,// да пребу́дут покро́в и ми́лость Ея́ над на́ми во ве́ки.

Сла́ва, и ны́не, пра́здника, глас 2: Всенепоро́чная Неве́ста:

На благослове́нии хле́бов тропа́рь Све́нския, два́жды,и пра́здника, еди́ножды.

Тропа́рь, глас 5:

Пресвята́я Де́во Богоро́дице,/ земли́ Бря́нстей благослове́ние и покро́в/ Све́нский-Пече́рский о́браз Твой дарова́ла еси́,/ и́мже правосла́вие утвержда́еши,/ е́реси и раско́лы побежда́еши,/ исцеле́ния источа́еши,/ наше́ствия иноплеме́нных отража́еши/ и междоусо́бныя бра́ни умиря́еши,/ те́мже благода́рно воспева́ем Тя,// Оте́чества на́шего похвалу́ и заступле́ние. 

НА У́ТРЕНИ

На Бог Госпо́дь: тропа́рь пра́здника, два́жды. Сла́ва, и ны́не, Све́нския.

По 1-м стихосло́вии седа́лен, глас 2:

Егда́ приступи́ша ко гра́ду Бря́нску свире́пии ра́тницы,/ тогда́ лю́дие, Све́нский о́браз Твой по сто́гнам гра́да обнося́ще, со слеза́ми вопия́ху Тебе́:/ о Пречи́стая Влады́чице Богоро́дице,/ по грехо́м на́шим наидо́ша сия́ на ны,/ но да́руй нам вре́мя на покая́ние,/ не преда́ждь ча́да Твоя́ в ру́ки злове́рных,/ Твое́ бо есмы́ достоя́ние, спаси́ нас.

Сла́ва, и ны́не, пра́здника, глас 3: В Небе́сная мы́сленная Твоя́ душа́:

По 2-м стихосло́вии седа́лен, глас 4:

Днесь град Брянск побе́дным заступле́нием Твои́м хва́лится, Ма́ти Бо́жия,/ и благове́рнии лю́дие благогове́йно лобыза́ют Све́нский о́браз Твой, уми́льно зову́ще:/ о, кре́пкая на́ша Помо́щнице и ору́жие на враги́ непосты́дное,/ не забу́ди покрыва́ти христоимени́тыя рабы́ Твоя́,/ и неотсту́пно пребыва́й с на́ми во ве́ки.

Сла́ва, и ны́не, пра́здника, глас той́же: В ру́це нас ра́ди вочелове́чшагося:

Велича́ние:

Досто́йно есть/ велича́ти Тя,/ Богоро́дице,/ земли́ Ру́сския Засту́пницу Небе́сную,// Све́нский о́браз Свой в ней просла́вльшую.

И́но велича́ние:

Велича́ем Тя,/ Пресвята́я Де́во,/ и чтим о́браз Твой святы́й,/ и́мже от нахожде́ния злове́рных// град Твой изба́вила еси́.

Псало́м избра́нный:

1 лик: Освяти́л есть селе́ние Свое́ Вы́шний.

2 лик: Предста́ Цари́ца одесну́ю Тебе́.

1 лик: В ри́зах позлаще́нных оде́яна, и преиспещре́на.

2 лик: Вся сла́ва Дще́ре Царе́вы внутрь.

1 лик: Пресла́вная глаго́лашася о Тебе́, гра́де Бо́жий.

2 лик: Слы́ши, Дщи, и виждь, и приклони́ у́хо Твое́.

1 лик: И забу́ди лю́ди Твоя́ и дом отца́ Твоего́.

2 лик: И возжела́ет Царь добро́ты Твоея́, зане́ Той есть Госпо́дь Твой.

1 лик: Лицу́ Твоему́ помо́лятся бога́тии лю́дстии.

2 лик: Не удали́ по́мощь Твою́ от мене́, на заступле́ние мое́ вонми́.

1 лик: Во́ньже а́ще день призову́ Тя, ско́ро услы́ши мя.

2 лик: Спаси́ мя ми́лостию Твое́ю.

1 лик: Возвеселя́тся вси упова́ющии на Тя, и похва́лятся о Тебе́ лю́бящии и́мя Твое́.

2 лик: Помяну́ и́мя Твое́ во вся́ком ро́де и ро́де.

По полиеле́и седа́лен, глас 4:

Безпомо́щным По́моще и ненаде́ющимся Наде́ждо,/ правосла́вных похвало́, злосла́вных же посрамле́ние, Богоро́дице Де́во,/ я́коже дре́вле град Брянск от нахожде́ния супоста́т изба́вила еси́,/ си́це и ны́не Ма́терними Твои́ми щедро́тами посети́ чту́щих Све́нский о́браз Твой,/ Оте́чество на́ше укрепи́,/ Це́рковь Святу́ю непоколеби́му от ересе́й и раско́лов соблюди́,/ и Правосла́вие в ми́ре сохрани́.

Сла́ва, и ны́не, то́йже.

Степе́нна, 1-й антифо́н 4-го гла́са. Проки́мен, глас 4: Слы́ши, Дщи, и виждь,/ и приклони́ у́хо Твое́. Стих: Отры́гну се́рдце мое́ сло́во бла́го, глаго́лю аз дела́ моя́ царе́ви. Вся́кое дыха́ние: Ева́нгелие от Луки́, зача́ло 4.

По 50-м псалме́ стихи́ра, глас 6:

По грехо́м на́шим/ умно́жишася в нас безу́мнии,/ и́же глаго́лют в сердца́х свои́х, я́ко Бо́га несть/ и пропове́дуют уче́ния па́губная и развраще́нная,/ малоду́шныя от Святы́я Це́ркве отторга́юще,/ но, о Пречи́стая Богоро́дице,/ я́коже дре́вле о́чи благове́рнаго кня́зя Рома́на просвети́ла еси́/ и иноплеме́нных от гра́да Бря́нска отгнала́ еси́,/ си́це заблу́ждшия просвети́ и злосла́вныя устраши́,// и спаси́ ду́ши на́ша.

Кано́н пра́здника, кир Иоа́нна Дамаскина́. Глас 4.И Све́нския кано́н, его́же краегране́сие:

Ра́дуйся, Благода́тная, Све́нская похвало́. Глас то́йже.

Песнь 1

Ирмо́с: Отве́рзу уста́ моя́,/ и напо́лнятся Ду́ха,/ и сло́во отры́гну Цари́це Ма́тери,/ и явлю́ся, све́тло торжеству́я,// и воспою́ ра́дуяся Тоя́ чудеса́.

Ра́дуйся, Бря́нская земле́, и весели́ся, Све́нская оби́тель,/ велегла́сно пою́ще пресла́вное заступле́ние Бо́жия Ма́тере,/ Я́же Све́нскою ико́ною Свое́ю ве́рныя лю́ди от супоста́т изба́ви.

А́ще не бы Твоя́ ми́лость к нам была́, Преблагослове́нная Влады́чице,/ вма́ле бы врази́ лю́тии град Твой разори́ли и святы́ни правосла́вныя поруга́нию пре́дали,/ но сих вспять обрати́ла еси́.

Днесь церко́вная разширя́ются не́дра, прие́млюще бога́тство благода́ти Де́вы Богоро́дицы,/ Све́нскою бо ико́ною Свое́ю правосла́вныя от ви́димых и неви́димых враг огражда́ет.

Ужасо́шася иноплеме́нных по́лчища и побего́ша, Боже́ственным преще́нием гони́ми,/ преложи́ся бо пра́ведный Бо́жий гнев на ми́лость к нам/ хода́тайством Пречи́стыя Богоро́дицы.

Песнь 3

Ирмо́с: Твоя́ песносло́вцы, Богоро́дице,/ Живы́й и Незави́стный Исто́чниче,/ лик Себе́ совоку́пльшия, духо́вно утверди́,// в Боже́ственней Твое́й сла́ве/ венце́в сла́вы сподо́би.

Спасе́ние правосла́вно велича́ющим Тя соде́лала еси́ посреде́ земли́ Бря́нския, Богоро́дице Де́во,/ воздви́женней бо ико́не Твое́й свяще́нных рука́ми,/ возду́х освяти́ся и полки́ бесо́вския отгна́шася.

Явле́нием ми́лости Твоея́, Ма́ти Бо́жия,/ да веселя́тся правосла́вных собо́ри, чту́щии чудотво́рный Све́нский о́браз Твой,/ ерети́ческое же со́нмище да посрами́тся и, я́ко прах, да возмете́тся от лица́ Бря́нския земли́.

Благослове́нная Влады́чице, десну́ю стопу́ Твою́ утвержде́ну на ка́мени на Све́нском о́бразе Твое́м зря́ще, приле́жно мо́лим Тя:/ на ка́мени пра́выя ве́ры рабы́ Твоя́ утверди́.

Ле́потою чуде́с облече́ся Све́нская ико́на Богома́тере,/ ю́же стра́хом и ра́достию лобыза́ем, бра́тие, ду́ши и телеса́ очи́стивше,/ то́ю бо Цари́ца Небесе́ и земли́ с на́ми пребыва́ет.

Конда́к и и́кос пра́здника.

Седа́лен, глас 1:

Прииди́те, ру́сстии собо́ри,/ восхва́лим сте́ну и забра́ло Правосла́внаго Оте́чества на́шего,/ Цари́цу Богоро́дицу,/ и Боже́ственное сокро́вище, Све́нскую ико́ну Ея́ иму́ще,/ е́юже град Брянск от нахожде́ния иноплеме́нных изба́вися,/ побе́ды над страстьми́ у Влады́чицы испро́сим,/ от Нея́ ро́ждшагося Бо́га сла́вяще.

Сла́ва, и ны́не, пра́здника, глас то́йже: Всечестны́й лик прему́дрых апо́стол:

Песнь 4

Ирмо́с: Седя́й в сла́ве, на Престо́ле Божества́,/ во о́блаце ле́гце,/ прии́де Иису́с Пребоже́ственный,/ нетле́нною дла́нию, и спасе́ зову́щия:// сла́ва, Христе́, си́ле Твое́й.

А́нгельстии чи́ни стра́хом слу́жат чу́дней Бо́жия Ма́тере ико́не,/ челове́цы благогове́йно покланя́ются, и вся тварь ра́дуется,/ сла́вящи си́лу непобеди́мую Пречи́стыя Влады́чицы.

Где суть де́рзости злочести́вых, всу́е хва́лящихся погуби́ти достоя́ние Твое́, Богоро́дице?/ Па́мять их поги́бнет с шу́мом, Твое́ же заступле́ние вси ро́ди сла́вят.

О́браз Све́нский Цари́цы Богоро́дицы гра́ду Бря́нску дарова́ся/ я́ко стена́ необори́мая и щит несокруши́мь,/ его́же ны́не обстоя́ще любо́вию, Первообра́зней сла́ву возсыла́ем.

Днесь ле́тнюю па́мять соверша́юще/ избавле́ния Бря́нския земли́ от супоста́т посо́бием Богома́тере,/ приле́жно мо́лимся Ей Правосла́вие утверди́ти, е́реси же и раско́лы разори́ти.

Песнь 5

Ирмо́с: Ужасо́шася вся́ческая/ о Боже́ственней сла́ве Твое́й:/ Ты бо, Неискусобра́чная Де́во,/ име́ла еси́ во утро́бе над все́ми Бо́га,/ и родила́ еси́ Безле́тнаго Сы́на,/ всем воспева́ющим Тя// мир подава́ющая.

А́ще и изощря́ют язы́к свой проти́ву Це́ркве Правосла́вныя еретицы́ и раско́льницы,/ и непра́вды сплета́ют рука́ми свои́ми, всу́е тружда́ются,/ я́ко паучи́ну разори́т сия́ Госпо́дь Бог, я́коже дре́вле сове́т супоста́тов моли́твами Богома́тере.

Твоего́ к нам благоволе́ния зало́г,/ Све́нскую-Пече́рскую ико́ну Твою́, Влады́чице,/ стра́жа неусы́пна и заступле́ние тве́рдо гра́ду Бря́нску дарова́ла еси́,/ на ню́же взира́юще, уны́ние отгоня́ем и весе́лия духо́внаго исполня́емся.

Наста́вница еси́ мона́хов, Присноде́во,/ те́мже при́зри на оби́тель Све́нскую, ю́же благочести́вый князь Рома́н/ на ме́сте, Тобо́ю избра́ннем, созда́, я́ко киво́т чудотво́рныя ико́ны Твоея́,/ и при́сно сию́ соблюда́й, подвиза́ющихся же в ней спаса́й.

Арха́нгельский глас прино́сим Ти, Всепе́тая:/ Ра́дуйся, Благода́тная, Све́нская похвало́, с Тобо́ю Госпо́дь и Тобо́ю с на́ми,/ Его́же, я́ко Ма́тернее дерзнове́ние иму́щи, моли́ти не преста́й,/ о́вцы па́жити Твоея́ от лю́тых волко́в сохрани́ти невреди́мы.

Песнь 6

Ирмо́с: Боже́ственное сие́ и всечестно́е/ соверша́юще пра́зднество,/ Богому́дрии, Богома́тере,/ прииди́те рука́ми воспле́щим,// от Нея́ ро́ждшагося Бо́га сла́вим.

Явле́ние Бо́жия благода́ти, Правосла́вней Це́ркви прису́щия,/ зрим в чу́днем заступле́нии гра́да Бря́нска Све́нския ра́ди ико́ны Богома́тере/ от нахожде́ния вои́телей злосла́вных.

Сотвори́ ны досто́йны бы́ти такова́го да́ра ми́лости Твоея́, Всепе́тая Богоро́дице,/ обраще́нием от злых дел к благо́му житию́, па́че же правосла́вием неруши́мым.

Воззови́те вельми́, свяще́нных уста́, че́стне почита́юще одушевле́нный Госпо́день Киво́т,/ и на́ша моле́ния к Пречи́стей вознеси́те, благода́рно Ея́ бла́гость прославля́юще.

Ели́цы благочести́вии, прииди́те, поклони́мся Све́нстей Бо́жия Ма́тере ико́не,/ подае́т бо певце́м чудотво́рнаго Ея́ о́браза/ кре́пость на бори́теля диа́вола и грехо́в оставле́ние.

Конда́к, глас 8:

Взбра́нней Воево́де победи́тельная,/ я́ко изба́вльшеся от супоста́т благода́тию Све́нскаго Твоего́ о́браза,/ благода́рственная воспису́ем Ти, раби́ Твои́, Богоро́дице,/ но я́ко иму́щая держа́ву непобеди́мую/ от вся́ких нас бед свободи́, да зове́м Ти:// ра́дуйся, Неве́сто Неневе́стная.

И́кос:

Егда́ по грехо́м на́шим воста́ша язы́цы го́рьции и бо́рзии,/ ходя́щии по широта́м земли́ Ру́сския, е́же насле́дити селе́ния чу́ждая,/ и святы́ни правосла́вныя поруга́нию предаю́щии,/ и на град Брянск устреми́шася,/ тогда́ сих свире́пство превозмо́же моли́тва Пречи́стыя Богома́тере/ и дре́вних чуде́с подо́бие нам яви́ся:/ Сия́ бо лю́ди ка́ющияся и к ико́не Ея́ припа́дающия напра́сныя сме́рти изба́ви,/ град же Свой и окре́стныя ве́си от огня́ и меча́ сохрани́,/ по́лчища иноплеме́нныя вспять обрати́вши,/ сего́ ра́ди немо́лчно зове́м Е́й:/ ра́дуйся, Неве́сто Неневе́стная.

Песнь 7

Ирмо́с: Не послужи́ша тва́ри Богому́дрии/ па́че Созда́вшаго,/ но о́гненное преще́ние му́жески попра́вше,/ ра́довахуся, пою́ще:// препе́тый отце́в Госпо́дь и Бог, благослове́н еси.

Не мо́щно нам отве́рсти уста́, Ма́ти Бо́жия,/ греси́ на́ши, я́ко огнь пе́щи вавило́нския, превзыдо́ша на́ша главы́,/ но в покая́нии приими́ нас, благословя́щия Сы́на Твоего́ и Бо́га оте́ц на́ших.

Сни́ди в пещь страсте́й на́ших, Пренепоро́чная,/ и пла́мя по́хоти в дух росы́ шумя́щ чистоты́ преложи́,/ да благода́рно зове́м Ти: благослове́нна еси́, Ро́ждшая Бо́га оте́ц на́ших.

Ка́ко воспое́м чу́до заступле́ния Твоего́, Благослове́нная Богоро́дице?/ Ты бо сле́зныя мольбы́ и сокруше́ние серде́ц чад Твои́х прие́мши,/ я́ко же́ртву чи́стую Сы́ну Твоему́ принесла́ еси́,/ и пра́ведный гнев Его́ угаси́ла еси́, ро́ждшая Бо́га оте́ц на́ших.

А́ще и согреши́хом, но не отступи́хом от Тебе́, Влады́чице,/ - уми́льно вопия́ху лю́дие пред Све́нскою ико́ною Твое́ю,/ - не оста́ви на поруга́ние злове́рным град Твой, благословя́щий Сы́на Твоего́ и Бо́га отец на́ших.

Песнь 8

Ирмо́с: О́троки благочести́выя в пещи́,/ Рождество́ Богоро́дичо спасло́ есть,/ тогда́ у́бо образу́емое,/ ны́не же де́йствуемое,/ вселе́нную всю воздвиза́ет пе́ти Тебе́:/ Го́спода по́йте, дела́,// и превозноси́те Его́ во вся ве́ки.

Я́ко столпо́м о́блачным, Све́нскою ико́ною Твое́ю, град Твой покрыва́еши, Пречи́стая,/ и я́ко столпо́м о́гненным ви́димыя и неви́димыя враги́ опаля́еши,/ ве́рныя же просвеща́еши, превознося́щия Сы́на Твоего́ во ве́ки.

Просла́вим благоче́стно благодея́ния Присноде́вы, честны́й Ея́ о́браз обстоя́ще любо́вию,/ Та бо лю́ди Своя́, пла́менне Ю́ призыва́ющия, ми́лостию Свое́ю ороси́,/ злочести́выя супоста́ты от града Бря́нска дале́че отгна́вши,/ те́мже Засту́пницу на́шу превозно́сим во ве́ки.

Огне́м откры́ется и искуси́тся коего́ждо де́ло, яково́ же есть,/ и а́ще пребу́дет, мзду прии́мем, а́ще же сгори́т, отщети́мся./ Убои́мся у́бо, бра́тие, потопле́ния о́гненнаго/ и под кров Богоро́дицы притеце́м, превознося́ще Сы́на Ея́ во ве́ки.

Хвра́стие ересе́й и раско́лов, и собла́знов церко́вных/ Боже́ственным огне́м любве́ Бо́жия попали́, Цари́це Небе́сная,/ его́же Сын Твой прии́де воврещи́ на зе́млю,/ правосла́вныя же я́ко зла́то в горни́ле испыта́ний очи́сти, превознося́щия Го́спода во ве́ки.

Песнь 9

Ирмо́с: Всяк земноро́дный/ да взыгра́ется Ду́хом просвеща́емь,/ да торжеству́ет же Безпло́тных умо́в естество́,/ почита́ющее свяще́нное торжество́ Богома́тере,/ и да вопие́т:/ ра́дуйся, Всеблаже́нная Богоро́дице,// Чи́стая Присноде́во.

Всепе́тая Богоро́дица на Небеси́ с Сы́ном и Бо́гом Свои́м ца́рствующи,/ на земли́ су́щих благоутро́бно посеща́ет,/ па́че же те́пле призыва́ющим Ея́ ско́рая Помо́щница явля́ется,/ те́мже и град Брянск от наше́ствия супоста́т изба́вила есть.

Анто́ния и Феодо́сия Пече́рских, мона́хов ру́сских первонача́льников,/ преподо́бный Али́пий предстоя́щими Тебе́ изобрази́, мона́шескаго чи́на Влады́чице,/ зна́менуя при́сное их к Тебе́ о нас моле́ние, с ни́миже Тя велича́ем.

Лику́й и красу́йся, Бря́нская земле́,/ иму́щи в себе́ неоску́дный исто́чник благода́ти, Све́нскую ико́ну Пречи́стыя Де́вы,/ Ея́же ра́ди ви́димыя и неви́димыя враги́ прогоня́ются, еретицы́ посрамля́ются,/ ве́рнии же любо́вию неизче́тныя Ея́ ми́лости велича́ют.

О вели́кая на́ша Засту́пнице и похвало́, Пресвята́я Богоро́дице,/ честне́йшая Херуви́м и сла́внейшая без сравне́ния Серафи́м,/ правосла́вия щи́те и ору́жие на враги́ непобеди́мое,/ по достоя́нию воспе́ти Тя не могу́ще, во смире́нии се́рдца велича́ем.

Свети́лен:

Ма́ти Бо́жия, при́зри благосе́рдно на благода́рно чту́щия Све́нскую ико́ну Твою́,/ е́юже град Брянск от нахожде́ния злове́рных изба́вила еси́,/ и умоли́ Ро́ждшагося от Тебе́ дарова́ти Це́ркви Правосла́вней утвержде́ние,/ Оте́честву на́шему на враги́ одоле́ние и душа́м на́шим спасе́ние.

Сла́ва, и ны́не, пра́здника: От земли́ на Небеса́ преста́вльшися:

На хвали́тех стихи́ры пра́здника 3, глас 6.

И Све́нския стихи́ры, глас 2.

Подо́бен: Ки́ими похва́льными венцы́:

Ки́ими благода́рными усты́/ воспое́м Богоро́дицу?/ Све́нским-Пече́рским о́бразом Свои́м/ град Брянск и всю зе́млю Ру́сскую обогати́вшую/ и неотсту́пно с на́ми пребыва́ющую,/ ны́не же в Боже́ственнем торжестве́/ святы́я Своея́ ико́ны/ подаю́щую притека́ющим к Ней// вели́кия ми́лости.

Ки́ими досто́йными пе́сньми/ восхва́лим Богоро́дицу?/ Земли́ Ру́сския Цари́цу Небе́сную,/ правосла́вия утвержде́ние,/ злосла́вия же посрамле́ние,/ в беда́х су́щим ско́рое поможе́ние,/ Ея́же ра́ди Све́нския ико́ны/ шата́ния иноплеме́нных на град Брянск Христо́с низложи́,// име́яй ве́лию ми́лость.

Ки́ими по́двиги благоче́стия/ обра́дуем Богоро́дицу?/ Све́нскою ико́ною Свое́ю/ благострое́нию держа́вы Росси́йския служа́щую/ и междоусо́бныя бра́ни умиря́ющую,/ не пе́сньми то́кмо сла́вяще,/ но де́лы ве́ры пра́выя сла́ву воздаю́ще,/ да не отврати́т Лица́ Своего́ от нас грех ра́ди на́ших,// иму́щи ве́лию ми́лость.

Сла́ва, и ны́не, пра́здника, глас 3: Прииди́те, вси концы́ земни́и:

Славосло́вие вели́кое. Тропа́рь Све́нской.

Сла́ва, и ны́не, пра́здника. И отпу́ст.

НА ЛИТУРГИ́И

Блаже́нна от обою́ кано́нов пра́здника, песнь 3-я, на 4, и от кано́на Све́нския, песнь 6-я, на 4.

По вхо́де тропа́рь пра́здника и Све́нския. Сла́ва, конда́к Све́нския: И ны́не, пра́здника. И про́чая слу́жба вся Богоро́дицы.

Моли́тва

О, Всеми́лостивая Ма́ти, Пречи́стая Де́во Богоро́дице, Возбра́нная Воево́до правосла́вных! Благода́рным се́рдцем и усты́ славосло́вим Тя при́сно пред Све́нскою ико́ною Твое́ю, ю́же я́ко Боже́ственное украше́ние Це́ркве Ру́сския и зало́г ми́лости Твоея́ ве́рным лю́дем дарова́ла еси́. Се́ю бо ико́ною благо́дать Бо́жию, Правосла́вней Це́ркви прису́щую, явля́еши, егда́ то́чиши исцеле́ния, напа́стей избавля́еши, бесо́в прогоня́еши, наше́ствия иноплеме́нных отража́еши. Те́мже приле́жно мо́лим Ти ся, Богома́ти, проба́ви и на пре́дняя вели́кия ми́лости Твоя́ любо́вию чту́щим Тя, Правосла́вие утверди́, отпа́дшия от пра́выя ве́ры к позна́нию и́стины напра́ви и уста́ нечести́вых, ху́лящих Святу́ю Це́рковь, загради́. Оте́честву на́шему мир и на враги́ побе́ды да́руй, огради́ нас от нахожде́ния супоста́т, междоусо́бныя бра́ни и вся́каго зла, па́че же от душегуби́тельных страсте́й свободи́, во е́же умре́ти ми́ру и жи́ти Сы́ну и Бо́гу Твоему́ в соблюде́нии за́поведей Его́. И сподо́би нас, Предста́тельнице на́ша непосты́дная, на Стра́шнем Суде́ одесну́ю Престо́ла Бо́жия ста́ти и с ли́ки А́нгелов и святы́х та́мо восхваля́ти пречестно́е и́мя Сы́на Твоего́, со Безнача́льным Его́ Отце́м и Пресвяты́м Ду́хом во ве́ки. Ами́нь.

azbyka.ru

Печерская икона Божией Матери

Православный мир знает множество икон Божией Матери, многие из которых обладают чудотворной силой и способны исцелить прихожан от болезней, защитить от всевозможных неприятностей. Не является исключением Печерский образ Богоматери.

С древнейших времен православные христиане обращались с молитвами к Богоматери, которая внимала каждому слову. Они просили защиты не только для себя, но и для всех живущих людей. Написанная преподобным Алипием Печорским икона являла чудеса исцеления, а также наделяла православных христиан Божьей Благодатью.

Эта икона известна также под названием «Свенская-Печерская». По сей день она является чудотворной. Списки с иконы находятся во многих городах и являют миру доказательства могущества Высших сил.

История иконы

Согласно источникам, дошедшим до наших дней, икона была написана примерно в 1114 году, в августе. Вплоть до 1925 года она пребывала в Киево-Печерском монастыре. Там образ неоднократно проявлял чудеса, исцеляя прихожан об болезней, помогая в скорбях и защищая от негатива. Затем икона была перенесена в Брянский Свенский монастырь. Православные источники сообщают, что икона проявила чудотворную силу и исцелила ослепшего князя черниговского Романа Михайловича. По пути в Брянск икону сопровождал священник и путники. Утром после пробуждения они не обнаружили иконы в лодке. Она оказалась на берегу, стоящей в кроне дуба меж ветвями. Весть дошла до князя, и он пешком прибыл к иконе, где горячо молился Богоматери, прося исцеления от недуга. Со временем на месте дуба был построен монастырь, а дерево срубили, сделав из древесины заготовки для других икон.

Где находится чудотворный образ Печерской иконы Божией Матери

Известно, что икона находилась в Киево-Печерском монастыре. Затем она была перенесена, и сейчас можно предположить, что святыня находится в Нижегородском Государственном Историко-архитектурном музее заповеднике. Списки с иконы можно найти во многих городах России. Так, полюбоваться на святыню и вознести ей молитвы можно в следующих городах: в нижнем Новгороде, В Нерехте Костромской области, в Печорах Псковской области, в Лодейнопольском районе Ленинградской области, в Москве, в Торопце Тверской области, в Козельске Калужской области, в Кириллове Вологодской области.

Описание Печерской иконы Божией Матери

На чудотворном образе изображена Богоматерь, держащая на руках младенца Иисуса. Она восседает на троне и держит сына обеими руками. Богомладенец держит руки в благословляющем жесте. По правую и левую сторону от Богоматери выписаны Антоний и Феодосий Печерские. В их руках мы видим свитки с письменами. Великолепно написанная икона вызывает у прихожан душевный трепет и словно открывает им источник Божией Благодати, защищая каждого молящегося от невзгод.

В чем помогает чудотворный образ

Святыня с древних времен почитается в православном мире. Не раз являла икона чудеса исцеления, в том числе освободив князя Черниговского от слепоты. Ей молятся и при психических заболеваниях, при различных недугах, связанных с заболеваниями нервной системы. Каждый, кто желает получить помощь от Богородицы, может вознести молитвы и раскаяться в своих грехах. Недаром эту икону в древние времена брали в дом прихожане. Считалось, что она вносит в каждое жилище Благодать, защищая всех живущих от любого негатива и зла.

Молитва перед чудотворным образом

«Пресвятая Богородица! К Тебе взываем о помощи. Не откажи рабам Божьим в просьбах искренних. Раскаиваемся пред ликом Твоим во всех своих деяниях неблагочестивых да просим о Твоей милости. Помолись Господу нашему Всемогущему о Благодати его и даруй нам исцеление от недугов телесных. Кров наш да домочадцев сохрани в здравии да не допусти дьяволовых происков. Аминь».

Дата празднования

Дату празднования приурочили к явлению иконы на реке Свене, когда она перенеслась из лодки в ветви дуба. Православный мир 16 мая (3 мая по старому стилю) присутствует на торжественной литургии и вместе со священнослужителями молится перед ликом Богоматери о защите и покровительстве, просит исцелить телесные и духовные раны. Второй датой является 30 августа (17 сентября по старому стилю), в память об избавлении Брянска от армии Наполеона.

Каждый верующий может приобрести к себе в домашний иконостас список со святыни, который будет охранять дом и живущих в нем от любого зла и негатива. Помолиться Богоматери можно в любой момент. Главное, чтобы ваши слова шли от самого сердца, а в душе было искреннее желание встать на путь исправления и следовать заповедям Божьим. Желаем вам счастья и удачи, и не забывайте нажимать на кнопки и

Икона Богородицы «Боголюбская» почитается православными христианами всего мира. Молитвы Богоматери перед этой иконой способны полностью ...

Для любой женщины рождение ребенка — самый главный подарок Бога. Молитва перед иконой Божией Матери ...

Иконы, обладающие чудотворными свойствами, — не редкость в православном мире. Рудненская икона Божией Матери причислена ...

Чудотворный образ Божией Матери появился по зову многочисленных молитв в период страшного для людей времени, ...

dailyhoro.ru

Икона Пресвятой Богородицы «Свенская» («Печерская»)

Свенская Печерская икона Божией Матери известна своими чудесами, которые происходили с верующими, молящимися ей. Она удивительна своей красотой и невероятными легендами, окружающими ее.

Однако все верующие знают, что Богу все возможно, поэтому приходят к святой Деве Марии с молитвами о ходатайстве и заступничестве ее за них, грешных, перед Святым Господом. Истории о чудесах святого лика «Печерской» подтверждают то, что Дева Мария всегда отвечает на искренние молитвы.

История святого образа

Свенская Печерская икона Божией Матери нарисована преподобным Алипием. Он был известным мастером иконописи и учился этому мастерству у мастеров Византии, которые прибыли в Киев по приглашению князя для росписи Успенского собора Киево-Печерской лавры. Монах Алипий принадлежал к этой обители и после обучения стал иконописцем, первым на Руси. Неизвестны годы его жизни, до сегодняшних дней дошла лишь информация о дате его смерти — 1114 год.

Еще о православных лаврах:

Для справки! Когда именно был создана доска Свенской Богоматери неизвестно, но благодаря преданиям, верующие 21 века могут узнать о чудесах, которые были совершены им.

Одно из самых известных чудес — это исцеление от слепоты князя Чернигова. Об этом повествует предание монахов. Летом 1288 года правитель Чернигова, гостивший в Брянске, ослеп. Это было по воле Господа, который сотворил этот недуг для демонстрации Своей силы и могущества.

Уже в ту пору доска была известна своими чудесами, услышав о которых, правитель послал гонца и своих священников в Лавру и ее обитель, и попросил настоятеля прислать чудотворную в Брянск, чтобы он мог помолится и приложиться к ней для исцеления.

После совета со всеми монахами архимандрит Печерской Лавры разрешил посланникам взять чудотворный образ.

Доставить доску решили по реке Десне, однако во время плавания лодка внезапно остановилась, плывущие решили, что это знак об отдыхе и, причалив, заночевали. Наутро никто не мог отыскать изображение Богоматери, и лишь спустя какое-то время оно было обнаружено среди ветвей раскидистого дуба в роще.

Все это произошло возле речки Свены, на холме. Ослепший государь узнал об этом чуде и пешком отправился к роще для молитвы. Придя, он молился со слезами об исцелении и пообещал построить на том месте храм и монастырь. Сразу же после молитвы зрение вернулось к князю. Снявши лик с дерева, епископ, бывший с князем, отслужил благодарственный молебен перед ним. Все люди после этого стали вырубать деревья на том месте, и вся древесина пошла на роспись икон.

Там же спустя какое-то время был воздвигнут храм с обителью, и назвали его «Успение Пресвятой Богородицы».

Хранилась доска в монастыре, построенным на том месте и покидала его только для реставрации в Москве, где ее поместили в оклад, состоящий из золота, серебра и украшенный обилием драгоценных камней.

Важно! С тех пор она известна как чудотворная, ведь способна возвращать зрение слепым, освобождать от бесов и творить другие чудеса.

Вернувшись в Печерскую Лавру, лик больше никогда не покидал пещер, в которых хранился. А монахи стали писать списки с него.

Икона «Богоматерь Печерская (Свенская)» последняя треть XVIII века

Значение иконы

Удивительной красоты Свенский образ размером 67×42 см.

Несмотря на небольшой размер, он вмещает в себя:

  • восседающую Святую Деву Марию;
  • Младенца Христа;
  • Феодосия Печерского;
  • Антония Печерского.

Из-за своего возраста картина достаточно потерта и на ней много надписей более поздних датировок, однако, несмотря на это, все еще хорошо можно разглядеть изображенных персонажей. Пречистая Дева сидит на троне так, что ее правая нога опирается на маленький камень, а левая — на амвон. Сам трон золотой, а его подножие сделано в виде арок. Младенец Христос находится у Богородицы на левой руке и благословляет людей своими перстами.

Основатели русского иночества Феодосий и Антоний стоят по правую и левую руку Богородицы соответственно и держат свитки. Феодосий изображен с непокрытой головой и в мантии, а вот Антоний облачен в схимнические ризы.

Феодосий и Антоний — это основатели монашества на Руси, которые создали восточную ветвь христианского монашества. Феодосия канонизировали третьем на Руси, сразу после невинно убиенных князей Бориса и Глеба. Они держат свитки, на каждом из которых написана молитва к святой Деве и прошение о помиловании Руси.

Читайте о других православных святых:

Богородица, изображенная на троне, символизирует ее силу как Царицы Небесной. Так часто изображали Деву Марию, стремясь показать ее силу и могущество на земле. Этот образ повторяется почти в каждой иконе, написанной в Византии.

В чем помогает образ

Свенская Богородица известна множеством чудес, сопровождающим ее на протяжении всего существования. Монахи задокументировали многие из них, и сегодня можно прочесть о тех чудесах в их хрониках. Перед ней проводились все таинства от венчания до крещения, и она всегда была почитаема, независимо от места ее нахождения, будь то Киев или Брянск.

Молиться Господу перед иконой Богоматери Свенская следует о:

  • исцелении больных;
  • возвращении зрения;
  • освобождении от бесов;
  • восстановлении душевного здоровья и равновесия.

Верующие просят перед ликом об укреплении веры и о стойкости в испытаниях, а неверующие молятся ей о помиловании их душ и ходатайстве перед Господом.

Важно! Часто перед ликом возносят молитвы благодарения за спасения душ родных и близких, за исцеления и милость Господа.Печерская Богоматерь, 19 век

Месторасположение лика

Сегодня найти образ Богородицы можно в Третьяковской галерее, где он хранится как памятник иконописи.

А вот оригинальный образ (по крайней мере самый древний) так и остался в Киево-Печерской Лавре. Он хранится в Дальних пещерах возле гроба святого Феодосия.

Есть список Свенской Богородицы в храме Всех преподобных Печерских, который также был написан монахами из Лавры во второй половине 19 века. Он хранился там же до 1930 года, а позже его прятали от советской власти монахини и архимандрит Спиридон. После смерти архимандрита икона была возвращена в Лавру по его завещанию.

Сегодня ее можно увидеть на напольном киоте.

Важно! Каждый год 3 и 16 мая священник совершает молебен перед иконой и читает акафист, который можно читать и дома вместе с молитвами Свенской Печерской иконе Богородице.

Посмотрите видео о Свенской иконе Богоматери

molitva-info.ru

Икона Божией Матери «Успение» Киево-Печерская

Кондак 1

Избранной от всех родов Пресвятей Деве Марии Богородице, яко воистину плотию рождшей Иисуса Христа, Спаса и Бога нашего, Владычице всея вселенныя, избравшей вторым земным жребием своим гору Печерскую, и oбитель для иноков на ней создавшую, похвальная приносим пения. Ты же, о, Всечестная наша Мати и Заступница, храни и спаси обитель Твою и всех нас от враг видимых и невидимых, да зовем Ти:

Радуйся, Пресвятая Богородице Дево, Печерская похвало и наше утешение.

Икос 1

Ангел земный и человек небесный преподобный Антоний, прииде в земный жребий Твой на гору Афонскую, хотя спасти душу свою от суеты мира сего и скончати тамо житие свое земное. Ты же, Пресвятая Дево, избравши вторым жребием Своим гору Печерскую в новопросвещенной стране Русской, послала его яко апостола, да устроит обитель на ней, во славу Твою и соберет иноков, и да воспевают Ти тако:

Радуйся, Всечестная наша Мати;

радуйся, дивная наша Игумения.

Радуйся, надеждо нашего спасения;

радуйся, горы Печерския Хранительнице.

Радуйся, живущих на ней иноков Руководительнице;

радуйся, приходящих на ню православных христиан на поклонение Покровительнице.

Радуйся, Пресвятая Богородице Дево, Печерская похвало и наше утешение.

Кондак 2

Видящи скорбный путь спасения для всех иночествовати хотящих, Господь наш Иисус Христос, повеле Матери Своей, да прострет Свой Божественный покров над горою Печерскою, да вси спасающиися на ней видяще сие, с пpeподобными Антонием и Феодосием, вкупе взывают непрестанно Спасителю Богу: Аллилуиа.

Икос 2

Разум имея Божественный преподобный Феодосий, от души возлюбив славу небесную, мир со всеми его прелестями возненавидя, прииде в Киев ко преподобному Антонию в пещере сущу, в нюже вселися, и вкупе со всеми отцы, подвизающимися тамо, воспевая Тя, Честнейшую всех ангел, тако:

Радуйся, нашего спасения главизно;

радуйся, радосте наша в сей и будущей жизни.

Радуйся, отраде Божественная Христовых подвижников;

радуйся, яко Тобою вси святии спасаются.

Радуйся, яко вся вселенная Тобою украшается;

радуйся, яко имя Твое от всех небесных чинов прославляется.

Радуйся, Пресвятая Богородице Дево, Печерская похвало и наше утешение.

Кондак 3

Сила Вышняго осени подвижников Пещерных, егда первый игумен, преподобный Варлаам, устрои храм во имя Твоего славнаго Успения, на верху пещеры и в нем прославляя Тебе, Честнейшую Херувим и Славнейшую без сравнения Серафим и Сыну Твоему вопия: Аллилуиа.

Икос 3

Имуще пламенное желание спасения, преподобный Антоний, егда устройся обитель на холме, в немже пещеры нарицаемыя Дальнии, желая безмолвия, преселися на холм, в немже раскопа пещеры Ближнии, и тамо собра последователи себе, хотящии совершеннаго безмолвия, прославляя Тебе, свою Утешительницу тако:

Радуйся, вселения райская Руководительнице;

радуйся, в подвизех пещерных Укрепительнице.

Радуйся, благое начало и славный конец всех святых жития;

радуйся, святыя радости Божественная струя.

Радуйся, цвете Божественнаго прозябения;

радуйся, православнаго монашества украшение.

Радуйся, Пресвятая Богородице Дево, Печерская похвало и наше утешение.

Кондак 4

Бурю сомнений грехолюбивых оставльше, возлюбиша тернистый путь спасения, стекошася иноцы в пещеру ко преподобному Феодосию. Он же видя в ней тесноту, устрои на верху горы Печерстей храм, и келии сооруди, и оградой огради, и тако устроися обитель во имя Твое, Владычице, в нейже монаси и вернии людие воспеша о Тебе Богу: Аллилуиа.

Икос 4

Слышаша иноцы Печерстии, яко разбойницы хотяще окрасти храм Твой, Пречистая, моляху Тя о спасении его. Ты же, Всемилостивая, сотворила еси чудо: храм Твой показала еси в воздусе висящ, еже видяще разбойницы в ужасе разбегошася, иноцы же воспеша Ти тако:

Радуйся, яко на горе Киевстей духовный сад насадила еси;

радуйся, яко тамо живущим вся потребная подала еси.

Радуйся, собравшая нас от мира греховнаго,

радуйся, приведшая нас во ограду обители Печерския.

Радуйся, защищающая нас от врагов видимых;

радуйся, охраняющая нас от супостат невидимых.

Радуйся, Пресвятая Богородице Дево, Печерская похвало и наше утешение.

Кондак 5

Боготечная звезда мира явилася еси Владычице, егда восхотела устроити Себе в Руси обитель Печерскую. Место, идеже быти имать храм во имя Твое создатися, указала еси огненною дугою, протяженною от ветхаго монастыря, и Ангельно во образе иноков по воздусе тaмo грядуших, eже видящи иноцы Печерстии, воспеша радостную песнь: Аллилуиа.

Икос 5

Видеша гречестии каменоздателие в Царьграде юношей, повелевающих им идти во Влахернский храм к Царице, они же пришедше узреша Тебе тамо седящу во славе, предстоящих с Тобою лики воев и преподобных Антония и Феодосия, и повелеваюшу им идти в Русскую землю во град Киев, и устроити храм во имя Твое, вручившу им икону Твоего славнаго Успения и мощи святых мученик. Они же повеленное слышаша воспеша Ти тако:

Радуйся, Цapицe небеси и земли,

радуйся, истинная Мати нашего Спасителя.

Радуйся, спасшая весь род Адама падшаго;

радуйся, веры православныя Воеводо непобедимая.

Радуйся, покровительнице Царьграда непостыдная;

радуйся, и страны Русския Заступнице усердная.

Радуйся, Пресвятая Богородице Дево, Печерская похвало и наше утешение.

Кондак 6

Проповедницы Твоего чудесного явления во Влахернстей церкви гречестии каменоздателие, приидоша в Киев, ко преподобным Антонию и Феодосию, вручиша им икону Твоего Успения и мощи святых мученик, и поведаша им Твою волю о созидании храма во имя Твое; они же слышаша их глаголы, образу Твоему на иконе изображенну поклонишася, Богу же вопиюще: Аллилуиа.

Икос 6

Возсия яко солнце икона Твоего Успения, Пресвятая Дево юже пpинесоша из Царьграда гречестии каменоздателие во обитель Печерскую, в нейже и до ныне пребывает, подающе исцеления, вопиющим к Тебе тако:

Радуйся, во Успении Твоем нас не оставляющая;

радуйся, чрез икону Твою нам помогающая.

Радуйся, иконою Твоею обитель Печерскую прославившая;

радуйся, иконою Твоею гору Печерскую просветившая.

Радуйся, иконою Твоею град Киев спасающая;

радуйся, тоюже иконою всю Русскую землю охраняющая.

Радуйся, Пресвятая Богородице Дево, Печерская похвало и наше утешение.

Кондак 7

Хотяще устроити новую обитель и в ней храм во имя Твое, Преблагословенная Дево, преподобнии Антоний и Феодосий, молиша Сына Твоего Христа Бога нашего и Тeбе, да познают место, на немже создан быти храм, и указа Господь то место: еже быти по всей земли роса, а тамо суша; и паки повсюду суша, на месте же храма роса, и посла огнь с неба и пожже вся хврастия и росу полиза и долину устрои. Преподобнии же вкупе с верными люди тамо сущими, падоша на землю, со страхом возопиша: Аллилуиа.

Икос 7

Новый храм, небеси подобный, начаша созидати Богоноснии отцы Антоний и Феодосий, по смертном успении их, преподобный Стефан сконча и пресели братию из ветхаго монастыря в новый. Блаженный же Никон иконы, златом и сребром чудно украси; в немже собрашася вернии, прославляху Тя, Богородице, сице:

Радуйся, варяга Симона во обитель Твою чудно призвала еси;

радуйся, принесенным им поясом размер храма Твоего указала еси.

Радуйся, злато на устроение храма Твоего чрез греки подала еси;

радуйся, в созидании храма Твоего невидимо пособствовала еси.

Радуйся, Лавры Печерския строительнице;

радуйся, храмов ея украсительнице.

Радуйся, Пресвятая Богородице Дево, Печерская похвало и наше утешение.

Кондак 8

Странное чудо показася, егда украшаху храм Твой, Пречистая мусиею, тогда во алтаре на стене сам изобразися образ Твой преподобному Алипию со иконописцы ту сущим и просветися он паче солнца. И се из уст образа Твоего, Пресвятая, излете голубь бел, и летяше ко образу Спасителеву, и ко другим образом написанным во храме, паки лете ко образу Спасителеву и влете во уста Его и тамо скрыся. Еже видящи гречестии иконописцы, во обители Твоей и живот свой скончаша, мощи же их в пещерах положени быша, душами же на небеса преселишася, идеже прославляют Тебе со Ангелы, Сыну же Твоему зовут: Аллилуиа.

Икос 8

Весь храм небеси подобный сияя от Твоея иконы Печерския, Богоизбранная Дево, еже видя блаженный Захария, прииде к нему защищения у Тебе прося, егда заимодавец его Сергий не хотяще отдати ему злато и сребро оставленное ему отцем его. Ты же, Владычице, послала Ангела наказати клятвопреступника; еже видя Захарий, остави мир, прииде во обитель Печерскую, поживе в ней до конца дний своих, воспевая Тебе сице:

Радуйся, Честнейшая всея твари Вселенныя;

радуйся, Сладчайшаго Иисуса селение.

Радуйся, святый Покров жизни нашея;

радуйся, благодатное утешение скорби нашея.

Радуйся, вся наша надежда и покой;

радуйся, по Бозе наше упование в жизни земной.

Радуйся, Пресвятая Богородице Дево, Печерская похвало и наше утешение.

Кондак 9

Всякoe мудрование отвергше, удивимся чудесем Твоим, Богородице, егда бо приспе время освящению Церкви Твоей, доска каменна на Престол невидимо принесена бысть Ангелы; имиже во образе юношей созвани быша святители на освящение ея, якоже Апостоли Христовы собрани быша на Погребение Твое. Святитель Иоанн, иноцы Печерскии и вси людие, зряще сия, прославиша Тебе, Пречистая, радостно праздноваше праздник освящения, Богу воспеша песнь: Аллилуиа.

Икос 9

Витии многовещании не могут восхвалити Твоя чудеса, Богородице, соделанныя во обители Печерстей, наипаче при основании, создании и освящении храма в честь славнаго Успения Твоего; и ныне не оставляй нас недостойных чад Твоих, сохраняй обитель Твою, да вопием Ти тако:

Радуйся, яко Сам Бог Отец назнамена сушею место храма;

радуйся, яко Твой Сын, иже сниде яко роса на руно во Твое чрево, на тожде место росу испусти.

Радуйся, яко Дух Святый огнь с неба ниспосла на попаление места для храма;

радуйся, яко Бог Отец образ Твой во алтаре невидимо изобрази.

Радуйся, яко Бог Сын, Солнце правды, сиянием церковь Твою исполни;

радуйся, яко Святый Дух видением голубя, излетевшаго из уст образа, в храме Твоем показася.

Радуйся, Пресвятая Богородице Дево, Печерская похвало и наше утешение.

Кондак 10

Спасти хотя душу свою, преподобный Алипий, прииде во Твою обитель, Богородице, и бысть тамо искусен иконописец, чрез негоже прославилася, Богоневесто; иконы бо им писанныя быша чудодейны, просияша бо паче солнца, неции иконы Ангелы писаша и иными многими чудесы прославишася. От нихже и до ныне неции сохранишася, источающе чудеса прославляющим Тебе и Богу вопиющим: Аллилуиа.

Икос 10

Стена крепкая и заступление явилася еси, Владычице, новой обители Твоей Свенской, егда князь Роман проси иноков Печерских отпустити икону чудотворную, писанную преподобным Алипием, для исцеления от слепоты. Егдаже пловущии с Твоею иконою присташа к берегу, икона Твоя невидимо обретеся на горе на древе; юже обретоша, и князь Роман получил прозрение своим очесем, созда тамо обитель, собра иноки и вкупе с ними возопи к Тебе тако:

радуйся, иконы Твоя чудесы прославившая;

радуйся, Лавру Печерскую ими же прославила еси.

Радуйся, и новую обитель Свенскую возлюбила еси;

радуйся, яко и в ней икону Твою чудотворную показала еси.

Радуйся, дивны и велики чудесы от нея явила еси;

радуйся, всем просящим у Тебе, чрез икону Твою исцеления источила еси.

Радуйся, Пресвятая Богородице Дево, Печерская похвало и наше утешение.

Кондак 11

Пение умиленное приносят пред иконою Твоею Печерскою не токмо во граде Киеве, но и в Свенске, в Москве и Ярославле и в других градех и весех правовернии людие, призывая Тебе на помощь вкупе с преподобными Антонием и Феодосием, и получивше от Тебе, Богородице, помощь и заступление, вопиют Сыну Твоему и Богу: Аллилуиа.

Икос 11

Светоприемную свещу, просвещающую всех Тебе призывающих, имуще мир христианский Тебе, Дево Богородице, наипаче Лавра Печерская, прославляет Тя, свою Покровительницу, юже храниши многи лета от нахождения агарян и всяких враг, и от еретиков и междоусобныя брани, и от нападения иноплеменник. Аще же иногда и попускала ей разорену быти грех ради наших, но паки еще благолепнее воздвизала еси ю, и дарами земными изобиловала насельников ея и дарами благодати обогащала, вопиющих Ти сице:

Радуйся, иконою Успения Твоего нас защищающая;

радуйся, нерукотворенным образом Твоим нас покрывающая.

Радуйся, Печерскою иконою Твоею исцеления нам подающая;

радуйся, свенским образом Твоим нас покрывающая.

Радуйся, стольный град Москву Печерскою иконою посетившая;

радуйся, и град Ярославль Твоею иконою озарившая.

Радуйся, Пресвятая Богородице Дево, Печерская похвало и наше утешение.

Кондак 12

Благодать Божественную, покров и заступление подаждь нам, Владычице наша и Мати, припадающим пред иконою Твоею Печерскою. Воздвигни нас от греховнаго сна, сохрани Лавру Твою и нас недостойных чад Твоих, сподоби нас жительствовати во ограде обители Печерския до конца дней наших, и прославляти Тебе и Сына Твоего, Христа Бога нашего, поя Ему: Аллилуиа.

Икос 12

Поюще Твоя милости и чудеса, явленныя во обители Печерстей от лет древних и до ныне, покланяемся пред образом Твоим, имже спасаеши нас, и всех призывающих Тебе на помощь и вопиющих Ти тако:

Радуйся, торжество веры православныя в Лавре Печерстей являющая;

радуйся, сердца человеческая любови Бозе распаляющая.

Радуйся, гору Печерскую, яко вторый Синай прославившая;

радуйся, иконы Твоя, яко проповедницы спасения показавшая.

Радуйся, с небесных высот на нас призирающая;

радуйся, на благия деяния нас наставляющая.

Радуйся, Пресвятая Богородице Дево, Печерская похвало и наше утешение.

Кондак 13

О Всепетая наша Мати, Преславная Владычице Богородице! Приими сия похвалы и моления, от скверных устен и нечистаго сердца возносимыя; сохрани Твою обитель, нашими грехми оскверненную; собери нас расточенных и сподоби в чине Ангельстем достигнути Небеснаго Царствия, и вкупе с преподобными Антонием и Феодосием, и всеми угодники Печерстими, прославляти вечно Тебе, нашу Матерь и Сына Твоего и Бога, и пети песнь: Аллилуиа.

(Этот кондак читается трижды, затем икос 1 и кондак 1)

Молитва 1-я

О, Пресвятая и Пренепорочная Дево Богородице, наша Печерския похвало и украшение, покрове и заступление, истинная Владычице избраннаго удела Твоего; приими нас, недостойных рабов Твоих, убогое моление с верою и любовию приносящих пред чудным образом Твоим; да посетиши милостивно греховное житие наше, просвещающе его светом покаяния, осени нас, обремененных скорбьми многими, Твоею небесною радостию, и сподоби нас присно славити Тя в мире и благочестии во обители Печерстей, и зде без порока прешедше путь жития нашего, помощию Твоею достигнем вечнаго веселия во светлостех святых и Богоносных отец наших Антония и Феодосия и всех преподобных Печерских, и едиными усты и сердцы воспоем Тя и Предвечнаго Сына Твоего, со Безначальным Его Отцем и Пресвятым, Всеблагим, Животворящим и Единосущным Его Духом во веки веков. Аминь.

Молитва 2-я

О, Пресвятая и Преблагословенная Мати Господа и Спаса нашего Иисуса Христа, Пречистая Приснодево Богородице Марие! Припадаем и покланяемся Тебе пред святою и чудотворною иконою Твоею, юже от лет древних чудесы многими и исцеленьми прославити благоизволила еси. Смиренно молимся Тебе, Благой и Милосердой Заступнице нашей: предстательством угодников Твоих, преподобных Антония и Феодосия Печерских, вонми гласу грешных молений наших, не презри воздыханий от души, виждь скорби и беды нас обышедшии, и яко любвеобильная воистину Мати потщися на помощь нам безпомощным, унылым, во многая и тяжкия грехи впадшим и присно прогневляющим Господа и Создателя нашего, Егоже умоли, Предстательнице наша, да не погубит нас со беззаконии нашими, да явит нам человеколюбивую Свою милость. Испроси, Владычице, у благости Его всем православным христианом здравие и душевное спасение, благочестное и мирное житие, земли плодоносие, воздуха благорастворение, дождие благовременныя, и благословение свыше на вся благая дела и начинания наша; болящия исцели, скорбящия утеши, бедствующим помози; споспеши всем нам носити иго Xристово в терпении и смиренномудрии, и сподоби нас благочестно житие земное скончати, христианскую же непостыдную кончину получити и Небесное Царствие унаследити. О, Царице Всепетая, Мати Божия Всеблагая! Простри Богоноснии руце Твои к возлюбленному Сыну Твоему и Богу нашему, умоли Его спасти и избавити от погибели вечныя всех иноков обители Твоея Печерския. Якоже древле на горе Печерстей милость являла еси, Владычице, сице и ныне яви, Богородице, Твоя щедроты над обителию Твоею и над нами недостойными чады Твоими; да и зде в земном странствовании нашем, и по кончине живота нашего будем прославлять Безначальнаго Отца, Единороднаго Его Сына, и Единосущнаго и Святаго Его Духа, и Твое милостивное предстательство во веки веков. Аминь.

azbyka.ru

Вознесенский печерский мужской монастырь

Икона Божией Матери Печерская, подаренная монастырю митрополитом Нижегородским и Арзамасским Николаем в 2000 году

Согласно архивным документам и дореволюционным изданиям, посвященным истории Нижегородского Вознесенского Печерского мужского монастыря, в этой обители до 1925 года находилась чудотворная икона Божией Матери «Печерская с предстоящими Антонием и Феодосием».

Иконографический сюжет этого образа включает в себя изображение Богоматери, сидящей на престоле, с короной на голове. На коленях у Богоматери изображен Спаситель, обеими руками благословляющий преподобных, стоящих по сторонам престола Святых угодников — Антония и Феодосия Киево-Печерских подвижников, в руках которых изображены свитки. На свитке который держит преп. Антоний, надпись гласит: «Господи, да будет на месте сем благословение св. Афонской горы»; а на свитке в руках преп. Феодосия надпись: «Бог, Вас братия, совокупи. Буди благословение на вас от Бога». Данный образ был выполнен в стиле греческого иконного письма и относится к иконографическому типу — «Панахранта».

Согласно подробнейшим описаниям монастырского имущества, составленным в XIX веке, эта главная святыня Печерской обители находилась в Вознесенском соборе: «…за правым клиросом, при столбе в иконостасе, окрашенном кармином (т. е. красным цветом), с колоннами, резьбою и карнизами, вызолоченными на полимент…». Ее размеры в окладе составляли: 1 арш. 3 четв. х 1 арш. 1 четв.

Вкладная книга Вознесенского Печерского монастыря XII в. НГИАМЗ

В XIX веке икона была украшена серебряным золоченным окладом (ризой). Первый раз это было сделано в 1823 году при настоятеле монастыря архимандрите Гаврииле (Городкове) «на подаяния доброхотных дателей», а второй раз в 1860 году, с благословения Преосвященного епископа Антония (Павлинского) при наместнике игумене Досифее «усердием рабов Божиих Евграфа и Маргариты». К началу ХХ века оклад иконы выглядел нижеследующим образом: «…чеканная, через огонь вызолоченная, с филигранною на Предвечном младенце серебряною не позлащенною одеждою и четырьмя напайными серебряными в виде финифтяных клеймами…». На первых двух круглых клеймах была сделана надпись: «Матерь Божья», а на двух других прямоугольных, с правой стороны слова: «Преподобный Антоний», а с левой стороны — «Преподобный Феодосий». Наряду с этим оклад иконы включал в себя так же драгоценные и полудрагоценные камни, жемчуг.

Вкладная книга Печерского монастыря. XII в. НГИАМЗ

Точной датировки написания иконы в документальных источниках не указано. По преданию, первоначальное изображение этой иконы было принесено основателем Нижегородского Печерского монастыря св. Дионисием, архиепископом Суздальским и Нижегородским из Киева. Когда именно, и кем был сделан список чудотворной иконы «греческого письма», неизвестно.

Издревле православные нижегородцы почитали эту икону как чудотворную. Во время различных бед и скорбей, как частных, так и общественных, множество народа приходило в Печерскую обитель для моления перед сей иконой Богоматери. Существовала так же традиция брать образ в дома нижегородцев, и многие по вере своей получали от иконы благодать и милость Божию. Начиная с 1857 года, этот образ ежегодно переносили на время проведения Нижегородской ярмарки в специально построенную для этого там каменную часовню.

По данным из монастырской летописи 1887 года издания, существовало несколько точных списков сделанных с чудотворной иконы Печерской Божьей Матери. Один из них так же находился в Печерском монастыре, а другая икона принадлежала Вознесенскому собору г. Балахны.

После революции в 1920-е годы происходило изъятие ценностей из ризницы и храмов Печерского монастыря. Согласно документам из архивного фонда «Нижегородского государственного исторического и художественного музея г. Н. Новгорода», в 1921 году органами местной власти, была составлена подробнейшая опись монастырского имущества. Под № 132 в данном документе значится чудотворная икона Божьей Матери «Печерская с предстоящими Антонием и Феодосием».

В 1925 году монастырь вместе со всеми постройками, имуществом и землею был передан в веденье Губернского музея. В конце 1980-х годов образ Богоматери «Печерская с предстоящими» (без оклада) выставлялся в музейной экспозиции, размещавшейся в стенах Архангельского собора Нижегородского кремля.

На основании вышеизложенного, есть основание полагать, что ранее принадлежавшая Печерскому монастырю чудотворная икона сегодня находится в запасниках Нижегородского Государственного Историко-архитектурного музея заповедника.

Директор Церковно-археологического музея Нижегородской епархииДёгтева О. В.

Молитва

О, Пресвятая и Пренепорочная Дево Богородице, наша Печерская похвало и украшение, покрове и заступление, истинная Владычице избраннаго удела Твоего; приими нас, недостойных рабов Твоих, убогое моление с верою и любовию приносящих пред чудным образом Твоим; да посетиши милостивно греховное житие наше, просвещающе его светом покаяния, осени нас, обремененных скорбьми многими, Твоею небесною радостию, и сподоби нас присно славити Тя в мире и благочестии во обители Печерстей, и зде без порока прешедше путь жития нашего, помощию Твоею достигнем вечнаго веселия во светлостех святых и Богоносных отец наших Антония и Феодосия и всех преподобных Печерских, и едиными усты и сердцы воспоем Тя и Превечнаго Сына Твоего, со Безначальным Его Отцем и Пресвятым, Всеблагим, Животворящим и Единосущным Его Духом во веки веков. Аминь.

www.pecherskiy.nne.ru


Смотрите также